PA PROMÉ BIAHA E HÓBENNAN DI “ SOCIAAL VORMINGS TRAJECT” (SVT) TA RISIBÍ NAN BARÈT NA FORT AMSTERDAM

WILLEMSTAD – E hóbennan ku a partisipá na “Sociaal Vormings Traject (SVT)” “Un Komienso Nobo” na Kazèrne di Marina Suffisant a risibí nan barèt. E grupo di hóbennan aki, bou di guia di Defensa a kuminsá riba dia 21 di ougùstes 2023 ku e promé fase di e trayekto. Durante un periodo di kuater luna nan a siña den un forma militar norma i balornan tal komo disiplina, rèspèt propio, struktura, resistensia, konfiansa i sentido di responsabilidat.

Un grupo di 12 hóben riba djaweps 30 di Noveèmber 2023 por a risibí nan barèt ku nan a meresé huntu ku nan sertifikado durante un seremonia kòrtiku ku tur e partidonan envolví.

Siguiente Fase
E 12 hóbennan lo start mes ora ku e segundo fase, e trayekto di aprendisahe (Leerwerktraject (LWT), bou di guia di e organisashon ehekutivo Funditut. Durante e fase akí e hóbennan ta kontinuá ku nan preparashon pa un funshon ku ta pas pa nan riba e merkado laboral, di akuerdo ku nan kapasidatnan. Ku e dos fasenan aki Gobièrnu di Kòrsou huntu ku Defensa ta brinda perspektiva pa futuro na e hóbennan akí.

Realisashon di e Koperashon
E proyekto akí ta keda realisá den e kuadro di palabrashonnan entre Kòrsou i Hulanda, rondó di reformanan den e ‘Landspakket’. E reforma akí ta inkluí bou di e tema ‘H18’ i ta ser designá komo Programa di Formashon Sosial/‘Sociaal Vormings Traject’. Ministerio di Hustisia, Ministerio di Desaroyo Sosial, Labor i Bienestar (SOAW), Ministerio di Edukashon, Siensia, Kultura i Deporte (OWCS) i Ministerio di Defensa, tur ta partner den e proyekto akí.

Na febrüari 2024 ta bai kuminsá un SVT nobo di hóben hòmber. Bo ke meldu bo mes òf ta deseá mas informashon? Manda nos un WhatsApp na number: +5999 563-6626 ku bo datonan (number, fecha I lugá di nasementu, kopia di sedula I number di último skol). Tur hόben ku inskribí mester pasa un ‘assessment’ kual ta tuma lugá dia 9 I 10 di yanüari 2024.

 

---

 

WILLEMSTAD – De jongeren die hebben deelgenomen aan het “Sociaal Vormingstraject (SVT)” “Un Komienso Nobo” op de Marine Kazerne Suffisant, hebben hun certificaat ontvangen. Deze groep jongeren, onder begeleiding van Defensie, begon op 21 augustus 2023 met de eerste fase van het traject. Gedurende een periode van vier maanden hebben ze geleerd op militaire wijze, normen en waarden als discipline, zelfrespect, structuur, weerbaarheid, vertrouwen en verantwoordelijkheidsbesef.

Een groep van 12 jongeren ontving op donderdag 30 november 2023 hun certificaat samen met hun verdiensten tijdens een korte ceremonie.

Volgende Fase
De 12 jongeren zullen direct starten met de tweede fase, het leerwerktraject (LWT), onder leiding van de uitvoerende organisatie Funditut. In deze fase zetten de jongeren hun voorbereiding voort op een functie die past bij hun capaciteiten op de arbeidsmarkt. Met deze twee fasen biedt de regering van Curaçao. Met dit project biedt de overheid van Curaçao samen met Defensie toekomstperspectief oftewel een nieuw begin aan deze groep jongeren.

Samenwerking
Dit project wordt uitgevoerd in het kader van afspraken tussen Curaçao en Nederland rondom de hervormingen in het Landspakket. Deze hervorming is opgenomen onder thema ‘H18’ en aangemerkt als ‘Sociaal Vormingstraject’. Het Ministerie van Justitie, Ministerie van Sociale Ontwikkeling Arbeid en Welzijn (SOAW), Ministerie van Onderwijs, Wetenschap, Cultuur en Sport (OWCS) en Ministerie van Defensie zijn allen partners in dit project.

In februari 2024 start er een nieuwe SVT-opleiding. Dit keer alleen voor heren. Er is nog enkele plekken voor geïnteresseerden. Ben je tussen 18 en 24 jaar, heb je geen schooldiploma, heb je geen werk of ben je in aanraking gekomen met Justitie, meld je dan aan door een WhatsApp bericht te sturen naar +5999 563-6626. Het team zal je helpen met alle informatie en begeleiden bij de inschrijving. Nieuwe aanmeldingen voor de start in februari 2024 sluit op 2 januari 2024. Ook ouders of familiare kunnen voor meer informatie een bericht sturen.