Renaissance Mall & Rif Fort ta

presentá su Nochinan di Kompra

Kombiná ku un Parada di Pasku briante!

WILLEMSTAD: Kòrsou ta disfrutando di su dianan festivo! E fin di aña aki ta yen di momentunan briante den famia, oportunidat di kompra i ambiente navideño. Renaissance Mall & Rif Fort a prepará un kalènder di aktividat pa henter famia den kual grandi i chikitu lo disfrutá! E aña aki e ‘Parada di Pasku’ ta bèk. Despues di a risibí asina tantu bon reakshon riba e ‘Christmas Parade’ di aña pasá, Renaissance Mall & Rif Fort ta kumpli un biaha mas ku su bishitantenan i pueblo di Kòrsou. Djaweps dia 21 di desèmber pa 7’or di anochi ta invitá henter famia. Tambe lo tin oportunidat di kompra i partisipashon den e fenomenal kompaña di fin di aña. Pa kada 35 florin na kompra, e kliente ta risibí un kupòn p’e partisipá den e sorteo di 10.000 florin, 2.000 florin òf 5.000 florin kèsh. Marka bo kalènder pa djasabra dia 6 di yanüari entre 2’or i 5’or, ya ku bo mester ta presente pa gana un di e premionan efektivo!

Nochi di kompra, Parada di Pasku, Ambiente i mas!

Djaweps dia 21 di desèmber entre 6’or i 7’or lo tin animashon di Los Paranderos, despues entre 7’or i 8’or lo tin e tan gustá Christmas Parade i pa 8’or animashon di DJ TRGXZ.  P’esnan ku a pèrdè e Christmas Parade riba djaweps, tin un último presentashon riba Djabièrnè 22 di desèmber pa 7’or di anochi. Tambe lo tin animashon di CJ Opus, i mas lat 8’or di anochi Gino & Friends den Rif Fort. Djasabra dia 23 di desèmber  lo tin animashon for di 6’or di atardi di Luis Blanco, pa 7’or di anochi Dj Nasuj i pa 8’or di anochi PlayBand. Ademas riba djasabra ta paketá bo regalo grátis. For di awor Renaissance Mall & Rif Fort ta deseá tur kliente, bishitante i pueblo di Kòrsou felis dianan di fiesta!