Delegashon di studiantenan di Haagse Hogeschool, a hasi un bishita na Parlamento.

Djaweps 18 yanüari 2024, un delegashon di studiantenan di Haagse Hogeschool di Den Haag, a realisá un bishita na Parlamento di Kòrsou. E bishita tabata enserá un rekorido, un seshon di informashon i splikashon ku a tuma lugá den e sala plenario di Parlamento. E studiantenan a bishitá Parlamento den kuadro di e ‘minor’ ku ta trata e tópiko ‘Relashonnan den Reino, kual ta parti di nan estudio. Durante e ‘minor’ e studiantenan por skohe pa sigui un materia ku ta relatá na nan estudio prinsipal. Haagse Hogeschool a disidí di introdusí e tópiko di ‘Relashonnan den Reino”, pa falta di konosementu bou di studiante. Mientrastantu Haagse Hogeschool ta trahando riba un programa di maestria riba e tópiko di ‘Relashonnan den Reino’.