Personal middenkader di SDKK a risibi lès riba varios leinan i tratadonan di derechi humano.
Personal middenkader di SDKK a risibi lès riba varios leinan i tratadonan di derechi humano.
Resientemente e personal di SDKK ku ta sigui e estudio di Voortgezette Penitentaire Inrichtings Opleiding (VPIO) na ORV a risibi komo modulo diferente leinan i tratadonan di derechi humano.
Den kuadro di esaki, señor Urny Floran komo èks direktor di prizòn tabata orador invitá pa duna e materia aki, abasé di su konosementu i eksperensia amplio. Den e sekshon aki e tópikonan ku a ser trata tabata tratadonan internashonal, leinan lokal i tambe diferente proseduranan i leinan pa ku derechi humano i di detenidonan.
Tambe señor Urny Floran a elaborá riba varios puntonan di atenshon ku mester tene kuenta kune na momentu ku bo ta eherse bo labor komo personal di prizòn. Por mira bèk riba un sekshon informativo i interaktivo kaminda e kursistanan di VPIO por a amplia nan konosementu. Mirando e importansia di tópiko di derechi humano i tratadonan internashonal, lo bai sigui duna mas di e sekshon nan aki na e personal di prizòn.
Gerensia di SDKK kier a gradisi señor Urny Floran pa su kontribushon duna na kursistanan di VPIO i Gerensia lo sigui invertí riba formashon i desaroyo di nos personal.