Akuerdo di maneho entre Excel in Sports Foundation i Gobiernu di Kòrsou.

Willemstad – Riba 15 di febrüari, Minister Charles Cooper huntu ku Minister Sithree van Heydoorn a firma un akuerdo di maneho (‘beheersovereenkomst’) entre Excel in Sports Foundation i Gobiernu di Kòrsou.
Esaki ta pa un tereno di deporte na Suffisant di mas o menos 1.910 meter kuadrá. Excel in Sports Foundation a hasi un petishon pa por a bin na remarke pa mantenshon di e tereno menshoná. Excel in Sports Foundation por bira manehadó di e tereno, kaminda e por desaroyá e tereno i mantené esaki. E akuerdo ta balido pa 5 aña.