A buta sèn pa Ennia lihé, (x) studiante DUO tin años ta pidi yudansa ku pago.

Presidente di Trabou Pa Kòrsou Jonathan Symor

    

 

 

Tur bia èks studiantenan ta último den e rei? Ki dia ta pa nos?

A buta sèn pa Ennia lihé, (x) studiante DUO tin años ta pidi yudansa ku pago.

 Tur gobièrnu a trata nos meskos. Insel Air, Giro i awor Ennia 30 aña 30 míon

 

Jonathan Symor, Presidente di Trabou pa Kòrsou ketu bai ta siguí vosifera pa e grupo di èks studiantenan. E grupo aki ta konsiente ku nan a tuma un fiansa pa nan bai studia i regresá Kòrsou.

E tempu ei gobièrnunan di turno tábatin gritunan di: bai studia pa bin yuda bosnan país. A primintí ku lo tin trabòu i mas studia bo ta, mas mihó lo paga bo. Awe e realidat ta otro, banda di e echo ku no ta paga nan na nivel di loke nan a studia i banda di e echo ku no tin trabòu paso gobièrnu nan di turno simplemente no a krea o inova otro pilarnan ekonómiko, ta konstata ku nunka a skucha nan i yuda nan di bèrdat. Chèri riba e bolo ta resultá ku awe gobièrnu ta skohé pa 30 aña 30 míon i CBCS 50 aña 15 míon (45 míon) pa e situashon di penshonado nan di ENNIA. Pero yudansa di pago o sikiera eksonerashon di un of otro manera pa e èks studiante, nèt nèt nada.

 

Na Merka i Hulanda por a mira kon entre otro gobièrnu a paga parti di e debe di estudio pa èks studiantenan. E eskoho aki ta debi ku e gobièrnunan a rekonosé ku e tempu ku e studiante nan aki a tuma e debenan aki pa bai studia, pues hasi un invershon den nan mes, e situashon ekonómiko na mundu tabata otro. Niun hende no a premira ku mundu por tabata tin un kambio drastiko asin’aki. E invershon den studiamentu di ningun manera por para bira un debe ku ta pusha un siudadano den pobresa. Na Kòrsou aworaki esei ta e kaso.

 

Meskos ku ora ku sektor nan privá tabata den problema, manera Insel air, Giro i Ennia, gobièrnunan di turno a interveni,  bisando ku ta debi ku si gobièrnu no interveni esaki lo por tin konsekuensia nan serio pa país. Dikon ora ta trata di pueblo/ hubentud ku a bai studia einan si niun gobièrnu no ta interveni manera otro paísnan a hasi. Gobièrnu no ta mira ku si no yuda e èks studiantenan aki sali for di e situashon aki, esaki tambe lo tin konsekuensha pa país? Di e forma aki ta kasi imposibel pa nos para riba nos pia, konstruí nos kas i forma un famia na Kòrsou, asina èks studiantenan a splika señor Symor. Konsekuentemente nan lo bai bandona Kòrsou bai biba kaminda ku si ta paga nan bon i balora loke nan a studia. Poblashon di Kòrsou lo siguí bira mas chiki. Esaki ta nifiká menos entrada pa gobièrnu di Kòrsou na OB, loonbelasting, AOV i fondo di SVB, menos entrada na OZB etc etc. Gobièrnu pensé.

 

Trabou Pa Kòrsou: señor Jonathan Symor