Petishon i reservashon pa organisá aktividat na playa públiko ta tuma lugá na GMN Colon  

Antes ta AVB ta atendé petishon, pero awor

Petishon i reservashon pa organisá aktividat na playa públiko ta tuma lugá na GMN Colon    

Willemstad – Pa organisá aktividat na un di nos playanan públiko ta nesesario pa hasi petishon ofisial pa reservá esaki. Anteriormente mester a hasi e petishon aki na AVB (ántes LVV) pero for di 11 di mart 2024 mester hasi e petishon aki na Maneho di Medio Ambiente i Naturalesa (MNB) na Ministerio di GMN na Roodeweg 49 Colon. Por hasi esaki di djaluna pa djaweps di 9 or pa 12 or di mèrdia i di 2 or pa 3:30 di atardi i djabièrnè di 9 or pa 12 or di mèrdia. Ta trata aki di petishon pa organisá por ehèmpel hasimentu di aña, kasamentu, reservashon pa Siman Santu i otro aktividatnan den seno di famia i òf amigunan kaminda no ta invitá públiko en general i no ta kobra.

Sitionan popular ku públiko sa hasi petishon pa hasi reservashon ta: playa di Caracasbaai, Pier na Mari Pampoen, playa di Sta. Cruz, playa di Kenepa Grandi, playa di Lagun i playa di Daaibooi. E pèrmit ta enserá uzo di palapanan i plenchinan i na e sitio semper mester tin e komprobante di reservashon pa den kaso outoridat puntra pa esaki. Den e kuadro aki ta bon pa informá for di awor ku por ehèmpel playa di Sta. Cruz, ya tur lugá ta reservá pa Siman Santu. Pa mas informashon relashoná ku petishon pa uzo di fasilidat na playa públiko por tuma kontakto ku Ministerio di GMN riba numbernan di telefòn: 432 5843 i 567 0001.