KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

GIOVANNI FRANKEN TA DJÒIN E STAF TÉKNIKO DI DICK ADVOCAAT KU LO DIRIGÍ NOS SELEKSHON DURANTE E PRÓKSIMO KOMPROMISONAN!

GIOVANNI FRANKEN TA DJÒIN E STAF TÉKNIKO DI DICK ADVOCAAT KU LO DIRIGÍ NOS SELEKSHON DURANTE E PRÓKSIMO KOMPROMISONAN!

 

Giovanni Franken lo ta último atkisishon na e staf tékniko di Dick Advocaat ku ta preparado pa nos próksimo kompromisonan otro siman na Turkia i den luna di yüni 2024. Giovanni di 44 aña lo fungi komo entrenadó asistente di e selekshon nashonal di Kòrsou.

Giovanni Franken den su infasia a pasa den henter e formashon hubenil di e ekipo Feyenoord i despues a hunga futbòl profeshonal den FC Dordrecht i RKC. Tambe e la forma parti na diferente okashon pa e selekshonnan di Antias Hulandes i komo entrenadó e la forma parti di e staf di ADO Den Haag pa basta tempu.

Giovanni Franken a deklará lo siguiente; ‘‘Mi ta sumamente kontentu ku mi a haña e oportunidat pa guia Kòrsou i ta orguyoso ku mi po traha bou di mando di Dick Advocaat’’.

Franken a firma un kontrakt te ku fin di aña 2024 i durante e periodo ei, Kòrsou su selekshon nashonal lo tin kompromisonan pa e kualifikashon di Mundial i tambe partidonan di Nations League.

 

Aktualmente gran parti di nos hungadónan i nos staf ta na Hulanda pa mañan mèrdia biaha bai Turkia pa nos ‘trainingskamp’ kaminda nos lo enfrentá kontra Hull-City dia 21 di mart pa despues nos topa Alanyaspor dia 24 di mart binidero. Esaki komo preparashon pa nos próksimo partidonan di kualifikashon pa Mundial riba dia 5 di yüni kontra Barbados na Kòrsou i dia 8 di yüni 2024 kontra Aruba, aya na Aruba.

17 mart 2024

 

639114718427035"
639114718427035"