Minister di Hustisia no tin grep riba kriminalidat. Baho mundo ta yamé ‘gai fasil’ miéntras polisnan ta yamé ‘modelo fotogeniko’.

Parlamentario Rennox Calmes

       

 

 Krimen organisá tin Kòrsou dominá. Ahinda no tin tim di drone ni kachó ni posishon hurídiko di polis

     Minister di Hustisia no tin grep riba kriminalidat. Baho mundo ta yamé                 

              ‘gai fasil’ miéntras polisnan ta yamé ‘modelo fotogeniko’.

Ladronisia di outo, droga via kontainer i kosta, arma i kamara nan no ta trahá ni no a instalá niun nobo.

 

 

Lider polítiko di Partido Trabou pa Kòrsou, Sr. Rennox Calmes:  “Informashon ku mi ta dispone di djé ta ku baho mundo ta yama aktual minister di Hustisia ‘gai fasil’ i polis nan ta yam’e ‘modelo’. E apodo nan aki a bini después ku polis nan ta reklama ku ta potrèt so e minister aki ta kana saka manera modelo fotogeniko, miéntras e kos nan ku e  mester regla mes e no ta regla nan. Di parti baho mundo e apodo ta bini pasó ta e minister di Hustisia ku a resultá di ta mas fasil pa pasa kantidat mas grandi di droga bou di su nanishi, kombiná ku ilegal. Tambe e negoshi di hòrta outo ta kana mas zetá ku nunka.

 

Pa Sr. Rennox Calmes ta bisto e loke baho mundo i polis nan ta trese dilanti. Kasi bo por bisa ku kada bario tin un magasina pa warda droga. E kantidat di droga ku ta drenta via nos kosta a subi konsiderabel mente. E barkunan militar ta blo kue droga riba laman ganchu ku no ta destiná pa Kòrsou miéntras esun nan destiná pa Kòrsou mes ta siguí drenta na kantidat mas grandi awor. Asta e “modus operandus” a kambia. Antes tabata uza avion mas tantu, awor ta kontainer ta uza via di haf di Kòrsou na presis di mil “dollar” pa kada kilo. Den kaso nan di korte por tuma nota di esaki. Minister di Hustisia ta prefera hasi manera Eugen Rhuggenaath, buta militar kontrolá su mes pueblo na luga di buta militar na kosta pa protehá e pueblo. Te awe e no a kontestá karta di pregunta ku TPK a manda p’e riba e asuntu di militar aki. Según Sr. Calmes: “si bo ke uza e militar nan, bo mester a manda nan kurso (opleiding) di polis masha dia i hasi nan polis.” Huntu ku droga ta drenta arma. 2 bia pa siman tin bashament’i bala na Kòrsou riba via nan públiko. Hende ta yega CMC ku perforashon di bala i ayarano (rasko) ku arma no ta ni notisia mas. Ta mi so ta tuma nota?”  Señor Calmes ta siguí elabora ku: “ladronisia di outo a bira un akto masha nòrmal ta ku a bira kustumber ku ta siudadano nan mes ta bai buska nan outo i haña esakinan bèk.” Nos tur por kòrda outo di mi kolega Martines su yiu muhé, e kaso den mondi Skèrpènè i e kaso den Goede Hoop. Pero te ahinda minister di Hustisia no a presenta niun plan pa para e asuntu aki. Ni sikiera e ta hasi uzo di teknologia moderno. Ketu bai tin diferente kamara no ta traha i ahinda no a siguí instalá e 1.000.000 kamara nan ku a sobra ku ta warda den mangasina aki na Kòrsou. Calmes: “Ami si sa unda nan ta.” Nos tur ta kòrda kon den sentro di suidat 2 hòmber a tira atrako riba un goyeria, polis no a yega na tempu, ta siudadano nan a tuma lèi den nan man. Si e kamara i kamara “room” tabata bon ekipá, e atrako ei no por a pasa mes. Huntu ku e droga nan ku ta drenta nos kosta ta drenta yen ilegal.  Na 2017 tabata tin un kalkulashon di 20 mil ilegal, awor na 2024 ta kalkulá 30 mil ilegal. Sr Calmes: “den bario nan ta pesta ku ilegal, pero bo no ta mira akshon dirigi den bario riba ilegal. Kas nan pesta ku 20 ilegal riba otro. E mésun kas nan aki tin bia ta wòrdu uza pa magasina pa skonde e kilo nan ku ta bai den kontainer. Pero “gai fasil”, manera baho mundo a yam’é ta kana saka potrèt so. Te ahinda minister no a hasi nada pa atendé skarsedat di polis, durashon di skol di polis, avansá instalando un tim di drone 24/7, un tim di kachó i kaba di instalá e sobrá kamara nan. Tampoko minister di Hustisia no a kaba e lèi pa por uza e kamara nan na  según lèi pa kontrolá plachi number, seguro, ladronisia i asina hasi uzo di inteligensia artifisial.

 

Según Sr.Calmes: polisnan ta reklama ku  nunka nan no a mira un minister di Hustisia ku ta invita polis nan pa saka potrèt manera ta modelo fotogeniko e ta. Pa kolmo e minister ta blendu Pueblo di Kòrsou, paso e ta saka potrèt pa mustra pueblo kos nan ku tur minister di Hustisia a hasi den pasado. Nada nobo. E uniko diferensha ta ku e minister nan promé ku ne, no tabata saka potrèt.  Aki nan e polis nan ta referí na saka potrèt ku detenido nan ta traha den kura di polis na Rio Canario i traha na otro sitionan pafó di prizòn. Polis nan: minister ta kana saka potrèt ku polis, mira pa dia bala kai tambe minister t’ei kaki. Minister ta tuma tempu pa kombersa ku detenido nan, pero ku polis nan si e no ta kombersa pa skucha nan doló, pero potrèt si e ke saka.

Polis nan ta rabiá paso e minister aki meskos ku esun anterior no a kaba di regla nan posishon hurídiko ni tampoko di e polis asistente nan ku ta traha na bali tumando keho.

Según Sr. Calmes: “ora ma uza chatgpt di AI pa yuda mi formula gobièrnu di Kórsou, e la formula: blendu pueblo ku populismo i bende mediokresia.

 

 

Llider di Trabou Pa Kòrsou TPK,

señor Rennox Calmes