KOMUNIKADO DI PRENSA 176/2024
9 aprel 2024

Kaso di sekuestro ku detenshon i entrada hudisial

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di sekuestro ku a tuma lugá djadumingu 7 di aprel 2024 den kaya
Augusto Boelijn den kua un hòmber a sekuestrá un dama, polis a realisá un detenshon.
Den oranan di anochi di e djadumingu enkestion, alrededor di 22.45’or, e hòmber a fòrsa e
víktima pa medio di un arma kandela, pa drenta den su vehíkulo i bai ku’né.
Despues di e sekuestro e dama víktima a bin resultá na un adrès den Kaya Yobida.
Kontinuando ku e investigashon djaluna 8 di aprel 2024, na aeropuerto Hato personal di
reshèrshi a detené e hòmber C.J.R. di 27 aña nasé na Kòrsou, pa e kaso di sekuestro ariba
menshoná.
Despues a tene un entrada hudisial na su kas den Kaya Shers.
A presentá e sopechoso dilanti di un fiskal ouksiliar ku a ordená su enkarselamentu
pendiente di mas investigashon.