Gobièrnu di Boneiru: STINAPA Bonaire a entregá e buki ‘Yerba i Mata di Mama Tera’ na e miembronan di direktiva.
Gobièrnu di Boneiru
STINAPA Bonaire a entregá e buki ‘Yerba i Mata di Mama Tera’ na e miembronan di direktiva. E buki akí ku e outor Denise de Jongh-Rekwest a skirbi pa STINAPA ku ayudo di Diana St Jago, ta deskribí e karakterístikanan i uso medisinal di 26 mata endémiko di Boneiru. Ku e buki akí nos ke kompartí un parti di e patrimonio kultural intangibel di Boneiru i konservá esaki pa generashonnan di futuro. A realisá e buki ku aporte di diferente ‘yerbero’ i ‘kurandero’ di Boneiru. E buki ta optenibel na papiamentu i ingles.
Di parti di STINAPA tabata presente Robert Wester (mènedjer di edukashon i komunikashon), Diana St Jago (empleado edukativo i un di e hendenan ku sin su aporte lo no por a realisá e buki akí) i Roxanne-Liana Francisca (senior conservation manager).