KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Larmonie- Cecilia no ke tuma responsabilidat pa pueblo haña trabòu

Miembro Trabou Pa Kòrsou TPK, Abigaïl Mahalja Boelijn

      Na yüli 2023 den prensa Minister SOAW ta nenga

Larmonie- Cecilia no ke tuma responsabilidat pa pueblo haña trabòu

             Nos no por rabia ku Corendon ta importa trahadónan

 

 

Kolaborador i sekretaria di Trabou pa Kòrsou TPK señora Abigaïl Mahalja Boelijn siguiendo desaroyonan di país pa ku e kartera di SOAW ta konstatá un bes mas ku Minister Larmonie- Cecilia no ta sinsero ku pueblo. Aña pasa tabata tin hinter un tam-tam tokante 142 Turko nan ku lo a bin traha aki na Kòrsou pa Hotel Corendon,  kual esaki awor ta resultá ku tin 100 vakatura para habri atrobe na e mésun Hotel Corendon. Kaminda aña pasa Minister Larmonie- Cecilia a nenga ku e lo a sera “deal” ku Corendon. Tin yiu nan di tera ku mester di trabòu. I SI, ta gobièrnu dus Minister Larmonie- Cecilia su responsabilidat pa laga guia e siudadano nan i siña nan étika ku supuestamente nan no tin, pa mas hende di país mes por haña trabòu, yena e vakatura nan aki ku yiunan di Kòrsou mes, i asina por eliminá pobresa den nos país.  Kiko e “deal” ta ku Corendon; mester kreá espasio pa famianan di país mes gana nan sèn no mas ekstranhero atrobe. Kòrda ku ta tin e tipo di esenanan aki kaba di bia pasá na e Hotel pariba aya, nada kontra di e Hotel nan. Pasó ta invershonista nan ku ta bin inverti den Kòrsou, ta Minister Larmonie- Cecilia mester por negoshá mihor, i sali pa derechonan laboral di su siudadanonan.

Kuestion di negligensia, falta di vishon, falta di kreá perspektiva pa ku desaroyo di un pais.

Minister Larmonie- Cecilia ta asepta tur kos ku no mester pasa na Kòrsou, pa pasa tòg.

Den reunión di Parlamento Minister  Larmonie- Cecilia ta bisa ku ela reuní ku sekretaria di estado van Huffelen, palabrando kiko tin ku bai pasa ku e AOV i onderstaand, kiermen ta mucha mandá di van Huffelen Minister Larmonie- Cecilia ta? Minister nan di PNP i MFK tin ku siña negoshá ku Minister nan di Hulanda, ku un aktitut di madures, i para Hulanda di keda mete den nos asuntunan. Hulanda mes ta pata pat’e problema ku nan mes no tin fin di solushona. Rutte ketu bai den un gobièrnu dimenshonario ta sinta disidi. I Wilders ketu bai niun hende ke trahá huntu ku ne. K’e mes ta serka di “stap op” manera ela bisa den notisianan Hulandes.

 

Kemen pa solushona e asuntunan di trabòu na Corendon, mester prepará e hende no ku duna lès so, mester duna e hende speransa bèrdadero pa por kuminsá kreá ilushon pa ku futuro.

Minister Larmonie- Cecilia, a presentá presupuesto di su kartera 2024-2025, ku mester tabata klá for di sèptèmber 2023. A presentá un eskrito na gobernadó para lesa kual loke ta sali na klá awe ku e presupuesto no ta ekivalente ku realidat.

Na Kòrsou nos tin hopi hende ku por hasi tur trabòu, mester pensa strategia, pa husa konosementu di esunnan ku a studia, pa huntu krea un struktura di bida nobo.

Kreá e yiu di Kòrsou mas eleva.

 

639114718427035"
639114718427035"