Preguntanan na Minister Larmonie-Cecilia relashoná ku maneho sosial
Presidente di Parlamento di Kòrsou
Señora Ch. America-Francisca
Wilhelminaplein # 4
PRESENTE
Willemstad, 6 di mei 2024
Tópiko: Preguntanan na Minister Larmonie-Cecilia relashoná ku maneho sosial
Señora America-Francisca,
Pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di asuntunan Sosial di Labor i Bienestar (SOAW) sra. Ruthmilda Larmonie Cecilia.
Danki pa e koperashon.
Atentamente,
Frenciss Renny Lourens
Parlamentario pa frakshon di MFK
Minister di Desaroyo, Sosial, Labor i Bienestar
Señora Ruthmilda Larmonie Cecilia
PRESENTE
Kòrsou, 6 di mei 2024
Tópiko: Maneho di fondo sosial
Apresiabel señora Larmonie-Cecilia,
Mediante e karta akí suskrito, señor Frenciss Lourens miembro di frakshon di Movementu Futuro Kòrsou, kier pidi bo atenshon pa lo siguiente:
Suskrito por a tuma nota di diferente situashon den komunidat kaminda tin diferente kas ku no tin koriente, awa i tambe e kandidat di hendenan ku ta akudí regularmente na nos pa purba risibí yudansa di kualke forma pa hasi kompras, kumpra koriente i / òf asta pidi pa yudanan haña maske ta un trabou.
E situashon aki ta preokupante i suskrito ta sinti e deber pa hasi algun pregunta tokante esaki na minister.
Suskrito ta na altura di un maneho sosial di SOAW i ku pa ku e maneho akí tin 65 mion florin disponibel. Tambe suskrito a tuma nota di un karta di Sekretario di estado sra. van Huffelen ku a wòrdu manda 19 di aprel 2024 pa “Tweede Kamer” kaminda e ta menshoná di un kombersashon spesífiko ku minister Larmonie-Cecilia informando entre otro tokante e situashonnan alarmante riba e tereno sosial i ku asta tin un presunto rapòrt trahá riba esaki.
Konsiderendo tur esakinan i mirando e enbergadura di e situashon, suskrito lo kier hasi na Minister e siguiente preguntanan:
- Ta berdad ku tin un “maneho sosial” pa ku ministerio di S.O.A.W?
- Si e kontesta ta si, unda nos por lesa esaki? i ta posibel ku Parlamento por risibí e maneho akí?
- Ta berdad ku tin un montante di 65 mion florin disponible pa ku esaki?
- For di ki dia e maneho pa e uso di e 65 mion florin akí ta òf lo bira vigente?
- Kwa ta e kriterianan ku a wòrdu stipulá pa por bini na remarke pa e diferente típo di yudansanan pa uso di e montante di 65 mion florin akí?
- Kon ministerio di S.O.A.W á òf lo duna informashon na pueblo pa ku e maneho di e 65 mion aki?
- Minister tin un bista di kuantu kas no tin koriente ni awa aktualmente?
- E personanan akí tambe ta òf lo por bini na remarke pa ku e ayudo aki?
- Minister ta konsiente ku tin personanan ku no tin sèn pa kumpra te asta remedi?
- E hendenan akí tambe por bini na remarke pa ku e ayudo?
- Den e karta di sekretario di estado sra van Huffelen fechá 19 di aprel 2024 dirigí na “Tweede Kamer”, sra. van Huffelen ta referí na un rapòrtpa ku ministerio di SOAW. Kua rapòrt eta referí na dje?
- Ta possible ku minister lo por manda e rapòrt pa Parlamento pa asina miembronan lo por tuma nota di e kontenido di esaki?
Gustósamente lo mi kier risibí kontesta riba e preguntanan akí, pa asina gobièrnu tin tur oportunidat pa trese klaridat riba e tópiko akí.
Sperando riba un kontesta ku e rapides nesesario, suskrito ta keda.
Atentamente,
Frenciss “Renny” Lourens
Parlamentario pa frakshon di MFK
