Minister di GMN señor Silvania ta risibí di forma ofisial e di tres ambulans nobo

Minister di GMN señor Silvania ta risibí di forma ofisial e di tres ambulans nobo

Willemstad – Awe djárason dia 29 di mei parti atardi Minister di GMN señor Silvania, direktor interino di FKAK (Fundashon Kuido di Ambulans Kòrsou) señor Alwin Keli i empleadonan di e fundashon a risibí e di tres ambulans nobo. Anteriormente a risibí kaba dos ambulans nobo i awor a risibí e di tres aki ku ta forma un total di nuebe ambulans. Minister Silvania a gradisí señor Keli ku a kordiná henter e proseso di preparashon pa hasi pedido di e ambulans den eksterior.

E ambulans nobo aki ta un Ford E350, Crestline CCL 150 ku a wòrdu fabriká na Canada i na Merka a instalá tur fasilidat nesesario di ambulans den dje. Despues di un siman e ambulans nobo aki lo ta operashonal i tin un di dies ambulans na kaminda pa Kòrsou. Di e totalidat aki tin dos abulans ku ta drechando pero pronto esakinan tambe lo ta operashonal. Riba potrètnan por mira e ambulans nobo i por mira tambe momentu ku Minister Silvania i señor Keli ta risibí di forma ofisial yabi di e ambulans nobo for di señor Kratsz di JPG.