Diversidat i Outentisidat diskutí durante Pre Konferensia di Turismo
Diversidat i Outentisidat diskutí durante Pre Konferensia di Turismo
WILLEMSTAD- 30 di yüni 2024 – Resientemente a tuma lugá 2 pre konferensia mas komo preparashon pa e Kumbre Nashonal di Turismo ku Ofisina di Turismo di Kòrsou (CTB) huntu ku Ministerio di Desaroyo Ekonómiko (MEO) ta bai organisá riba Dia Mundial di Turismo, 27 di sèptèmber próksimo. E biaha aki a trata e tópiko Diversidat i su siguiente dia Outentisidat. Minister di Desaroyo Ekonómiko, sr. Ruisandro Cijntje i tambe Counterpart Director di CTB, sr. Muryad de Bruin a dirigí nan mes na e partisipantenan.
E pre konferensia ku tópiko Diversidat a konta ku partisipashon di 67 persona ku tin direktamente i indirektamente di aber ku industria di turismo. E seshon a enfoká riba kon por atendé mihó e nesesidatnan i preferensianan di turistanan ku ta bishitá nos pais ora ta trata entre otro eskoho di akomodashon, atrakshonnan i servisionan. Tambe a eksplorá strategianan kon pa involukrá diferente grupo den turismo i krea un balansa den e diversidat ku eksperensianan outéntiko.
Mas aleu, e seshon dirigí riba Outentisidat a trata e retonan ku por presentá ora ta trata mantenshon di e identidat kultural, natural i históriko di nos destinashon tambe durante kresementu den turismo. Durante di e seshon e partisipantenan a keda repartí den diferente grupo kaminda kada grupo a eksplorá e tópiko i huntu a para ketu na strategianan pa definí kresementu sostenibel ku ta respetá i preservá outentisidat. Un total di 70 persona a partisipá na e seshon aki.
Den luna di ougùstùs lo tuma lugá e último 2 seshonnan komo preparashon pa e kumbre. E tópikonan ku lo keda tratá ta: Partisipashon di komunidat i Kompetitividat. For di e seshonnan di pre konferensia lo sali pre resolushonnan ku lo keda diskutí den e kumbre na sèptèmber próksimo pa huntu yega na resolushonnan final. E resolushonnan final lo keda tradusí den akshonnan konkreto na benefisio di komunidat di Kòrsou i Kòrsou komo destinashon turístiko.
Diversity and Authenticity Discussed during Tourism Pre-Conference
WILLEMSTAD- June 30, 2024 – Recently, two pre-conferences took place as preparation for the National Tourism Conference that the Curaçao Tourist Board (CTB) along with the Ministry of Economic Development (MEO) will organize on World Tourism Day, next September 27th. This time, the topics were Diversity and, the following day, Authenticity. The Minister of Economic Development, Mr. Ruisandro Cijntje, and the Counterpart Director of CTB, Mr. Muryad de Bruin, addressed their remarks to the participants.
The pre-conference on Diversity included participation from 67 individuals who are directly and indirectly involved with the tourism industry. The session focused on how to better meet the needs and preferences of tourists visiting our island, including choices of accommodation, attractions, and services. Strategies were also explored on how to involve different groups in tourism and create a balance in diversity with authentic experiences.
Subsequently, the session on Authenticity addressed the challenges that can arise when maintaining the cultural, natural, and historical identity of our destination while tourism grows. During the session, participants were divided into different groups, where each group explored the topic and together discussed strategies to define sustainable growth that respects and preserves authenticity. A total of 70 individuals participated in this session.
In August, the last two sessions will take place as preparation for the conference. The topics to be covered are Community Participation and Competitiveness. The pre-conference sessions will result in preliminary resolutions that will be discussed at the conference in September to reach final resolutions. These final resolutions will then be translated into concrete actions for the benefit of the Curaçao community and Curaçao as a tourist destination.
