Promé Minister Sr. Gilmar Pisas a sekebrá huntu ku LABdeMED e promé graduadonan ku a finalisá nan estudio komo ‘Praktijk Ondersteuner Huisarts’ (POH) ku éksito.

Ta trata di 10 POH ku a hasi e estudio bou di guia di Breederode Hogeschool.

Ku e trabou di e POH, un dòkter di kas por konta ku sosten di un profeshonal ku ta yud’é monitoriá e pashèntnan ku malesanan króniko òf yuda prevení ku un pashènt ta alkansá e diagnóstiko di un malesa króniko.

Promé Minister Sr. Pisas ta aploudí LABdeMED pa e inisiativa ku a tuma na e trayekto di POH aki.

Promé Minister sr. Pisas a bisa ku e loke LABdeMED a hasi aki a insentivá Gobièrnu.

E ta algu grandi i sigur LABdeMED por konta ku Gobièrnu su sosten kaminda ta nesesario den futuro.