Pronóstiko di tempu pa Kòrsou i bisindario bálido te djárason mainta 06:00 o.l., 3 di yüli 2024. KÓDIGO ORAÑO: UN VIGILANSIA PA LAMAN BRUTU TA NA VIGOR PA ÁREANAN DI KOSTA DI TUR PARTI DI KÒRSOU

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 3 di yüli 2024.
Kompilá: djamars 2 di yüli 2024, 05:00 o.l. (09:00 UTC).

KÓDIGO ORAÑO: UN VIGILANSIA PA LAMAN BRUTU TA NA VIGOR PA ÁREANAN DI KOSTA DI TUR PARTI DI KÒRSOU

Tempu: Hopi nublá ku chèns pa lokalmente un áwaseru i sin òf tiki bientu.

Temperatura máksimo lo alkansá 33ºC i temperatura mínimo 28ºC.
Solo ta sali 06:15 i ta baha 19:04 o.l.

Bientu: Direkshon por lo general suitost i suak; forsa 1 te 2 (1 te 11 km/ora, 1 te 6 nudo).

Situashon general: Durante di próksimo 24 ora, nubianan relashoná ku ku orkan Beryl lo kubri nos region. Algun di e nubianan aki por generá momentunan di áwaseru riba sierto partinan di nos isla. Mas aleu, orkan Beryl ta generá resake ku lo alkansá i afektá e kostanan di Kòrsou. Pa e motibu aki un vigilansia (kódigo oraño) pa laman brutu ta na vigor. Tambe bientu hopi suak for di un direkshon prinsipalmente suitost, lo sòru pa un sintimentu di èkstra kalor durante di dia.

Kondishon di laman: Moderá te basta brutu ku altura di olanan entre 1.5 i 2.5 meter (4 i 8 pia). Pa motibu di resake a emití un vigilansia (kódigo oraño) pa laman brutu pa kostanan di Kòrsou. Usuarionan di boto chikí i fasilidatnan di playa mester tene esaki na kuenta.

Sistemanan signifikante di wer tropikal: Siklon tropikal Beryl a sigui intensifiká i bira un orkan di kategoria 5 durante di oranan di ayera anochi lat. Beryl ta situá ku su sentro awe mainta mas o ménos 400 km nortost di Kòrsou ku mayoria di su wer aktivo te na e momentunan aki na parti nort di nos isla mientra ku e sistema ta sigui move den direkshon wèst nortwèst.  Servisio Meteorológiko Kòrsou ta sigui vigilá di aserka desaroyo di orkan Beryl.

Fenómeno spesial: Ningun.

Perspektiva te djaweps mainta: Tiki te parsialmente nublá ku chèns pa un áwaseru breve den mardugá i bientu lo oumentá gradualmente.

Meteorólogo: Rombley