KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fundashon Marshe ta organisá seshon di informashon pa komersiantenan di Marshe Nobo.

Fundashon Marshe ta organisá seshon di informashon pa komersiantenan di Marshe Nobo.

Fundashon Marshe a organisá resientemente un seshon di informashon pa empresarionan di
Marshe Nobo. Durante e seshon aki, empresarionan a risibí informashon tokante e desaroyonan di
e mudansa i renobashon di Marshe Nobo.Tambe a diskutí di manera detayá riba puntonan di
akshon ku aktualmente mester di atenshon.
Direktora Liezelot Braaf di Fundashon Marshe i Marktmeester Dianne Schenk a dirigí palabra na e
komersiantenan. Aparte di informá tokante e plan di renobashon i e status di mudansa, tambe a
splika kiko Fundashon Marshe, huntu ku Ofisina di Turismo (CTB) i Ministerio di Desaroyo
Ekonomiko (MEO), lo bai hasi pa duna apoyo na e empresarionan. Esaki ta inkluí plan pa
kampaña di promoshon pa stimulá pueblo di Kòrsou i turistanan pa sigi bishitá e empresarionan na
nan lokashon temporal.
E mudansa di Marshe Nobo a mega na su final riba djabièrnè 12 di september, ora ku e último
empresario a bai su lokashon temporal. For di djadumingu 15 di september lo sera e
“parkeerplaats” rondó di Marshe Nobo te próksimo aviso.
Mantenshon i renobashon di Marshe ta kontribuí na e meta pa modernisá Marshe, halsa e nivel di
seguridat pa usuario i bishitantenan di e plasa i mehorá e parti di higiena. Intenshon ta pa Marshe
Nobo haña un identidat nobo ku funshonnan atraktivo banda di e funshon di marshe. Esaki lo atraé
públiko durante tur parti di dia (inkluyendo den oranan di anochi), lokual lo stimulá mas aktividat
ekonómiko i revitalisá nos sentro di siudat.
Por sigui tur e desaroyonan via nos wèpsait i rednan sosial.
Facebook: @fundashonmarshe
Instagram: @fundashonmarshe
Website: http://www.fundashon-marshe.com

 

639114718427035"
639114718427035"