Selebrando Wingo su buelo inougural for di Medellín, Colombia pa Kòrsou
Selebrando Wingo su buelo inougural for di Medellín, Colombia pa Kòrsou
WILLEMSTAD- 18 di desèmber 2024 – Ku plaser Kòrsou a yama bon biní na Wingo su buelo inougural for di Medellín, Colombia. Introdukshon di e ruta nobo for di Medellín ta afirmá e aerolínea su kompromiso ku Kòrsou pa sigui trese mas turista for di Colombia pa konosé e produkto turístiko variá ku Kòrsou ta ofresé. E ruta nobo, ta komplementá e aerolínea su skema di buelo eksistente pa Kòrsou ku ta inkluí ya kaba buelonan for di Bogotá. E konekshon for di Medellín lo tuma lugá 2 biaha pa siman riba djárason i djasabra. Pa selebrá e okashon spesial aki, a risibí e promé buelo ku e tradishonal saludo di awa i a tene un seremonia di bon biní.
Colombia ta Kòrsou su merkado prinsipal for di Suramérika, registrando mas ku 41 mil turista di estadia te ku fin di novèmber 2024, un kresementu di 22% kompará ku e mesun periodo na aña pasá. E ruta nobo for di Medellín lo trese mas turista i aportá di e manera aki na kresementu ekonómiko. Durante e seremonia a hiba palabra, sr. Charles Cooper, Minister di Tráfiko, Transporte i Planifikashon Urbano i alabes Minister di Desaroyo Ekonómiko, sr. Andrés Camilo Franco, Corporate Communications Head na Wingo, sr. Jonny Andersen, CEO di Curaçao Airport Partners i sr. Julian Diaz de Pool, Commercial Manager na Curaçao Airport Holding. Mas aleu, Minister Cooper i sr. Hugo Clarinda (Ofisina di Turismo di Kòrsou) huntu ku representantenan di MEO, CAP, CAH i sr. Pablo Rebolledo (kònsel di Colombia) a hasi entrega di un plakat konmemorativo na sr. Andrés Camilo Franco (Wingo) ilustrando nos brùg di ponton i un bista di Handelskade parti anochi. Awor mas turista prosedente di Colombia por bin eksperensiá nos variedat di atrakshonnan turístiko, disfrutá di eventonan kultural, purba nos kushina lokal i mas ku tur kos interkambiá ku nos hendenan amabel.
Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP), Curaçao Airport Holding (CAH) i Curaçao Hospitality & Tourism Association (CHATA) ta felisitá Wingo ku nan ruta nobo. E ruta, Medellín – Kòrsou ta brinda e posibilidat pa Kòrsou risibí mas turista for di Colombia i alabes e ta nifiká mas opshon di biahe pa nos pueblo lokal.
Celebrating Wingo’s Inaugural Flight from Medellín, Colombia to Curaçao
WILLEMSTAD – December 18, 2024 – Curaçao is delighted to welcome Wingo’s inaugural flight from Medellín, Colombia. The introduction of this new route reaffirms the airline’s commitment to Curaçao by bringing more tourists from Colombia to experience the diverse tourism offerings available in Curaçao. This new route complements Wingo’s existing flight schedule to Curaçao, which already includes flights from Bogotá. The flights from Medellín are scheduled to operate twice weekly, on Wednesdays and Saturdays. To mark this special occasion, the inaugural flight received a traditional water salute, followed by a welcome ceremony.
Colombia is Curaçao’s primary market in South America, with over 41 thousand stayover visitors recorded until November 2024, a 22% increase compared to the same period last year. The new Medellín route will attract even more tourists and contribute to economic growth. During the ceremony, speeches were delivered by Mr. Charles Cooper, Minister of Traffic, Transport, and Urban Planning, who is also the Minister of Economic Development, Mr. Andrés Camilo Franco, Corporate Communications Head at Wingo, Mr. Jonny Andersen, CEO of Curaçao Airport Partners and Mr. Julian Diaz de Pool, Commercial Manager at Curaçao Airport Holding. Later, Minister Cooper and Mr. Hugo Clarinda (Curaçao Tourist Board) together with representatives of MEO, CAP, CAH and Mr. Pablo Rebolledo, Consul of Colombia presented Mr. Andrés Camilo Franco (Wingo) with a commemorative plaque featuring our iconic Queen Emma Bridge and a nighttime view of the Handelskade. Now, more tourists from Colombia can explore our wide range of tourist attractions, enjoy cultural events, taste our local cuisine, and interact with our friendly people.
The Government of Curaçao, the Curaçao Tourist Board (CTB), Curaçao Airport Partners (CAP), Curaçao Airport Holding (CAH), and the Curaçao Hospitality & Tourism Association (CHATA) congratulate Wingo on their new route. The Medellín – Curaçao route creates opportunities for Curaçao to welcome more tourists from Colombia while offering additional travel options for our local community.
