TUR KOS TA KLA PA INSKRIPSHON PA FESTIVAL DI TUMBA 2025 KU DIFERENTE AKTIVIDAT ATRAKTIVO

 

 

TUR KOS TA KLA PA INSKRIPSHON PA FESTIVAL DI TUMBA 2025 KU DIFERENTE AKTIVIDAT ATRAKTIVO

WILLEMSTAD-Djadumingu awor 26 di yanüari 2025 ta dia di inskripshon di tumba. Un dia sumamente interesante i importante kaminda aparte di e inskripshon komposistor, kantante, areglista i bandanan ta risibí promoshonnan grátis na e medionan di komunikashon ku ta presente. Un dia estilo ban topa kaminda tur ku tei ta pasa un ratu ameno. E inskripshon ta kuminsá ku e parti ofisial 14.30 ora ku ta bai tin e diferente diskursonan i informashon di parti di direktiva di AMAK. 15.00 or e inskripshon mes ta start i esaki ta dura te 18.00 or di atardi. AMAK ta pidi tur e kompositornan i kantantenan pa nan tei entre 15.00 or pa 17.00 or, pasobra si bo inskribí durante e orario aki bo nòmber ta bai den un tómbolá kaminda bo tin chèns di gana premionan great. Despues di 17.00 or si bo no ta forma parti pa kai den e rifanan. Tuma nota ku 18.00 or en punto e inskripshon ta sera. E aña aki e inskripshon ta tuma luga den Curaçao Festival Center na Plaza Errol Toro Colina. Un kambio den festival center pero mas adekuá pa inskripshon.  Direktiva di AMAK ta invitá bo bin sera konosí ku e sitio di inskripshon nobo.

Aki ta sigui e programashon di djadumingu awor na Curacao Festival Center.

Programa dia di inskripshon 2024

Inskripshon ta di 15.00 or pa 18.00 or

14.30  or Apertura

14.35  or Palabra di Presidente di AMAK sr. Manfred Gomes

14.40  or Palabra di Presidente di Hurado Francis De Lannoy

14.45  or Palabra di Minister di OWCS  Sythree van Heydoorn

14.50  or pa 15.00 or  Oportunidat pa prensa hasi pregunta i òf entrevista ku un di e tres personanan ku lo hiba palabra.

15.00 or Inskripshon di Tumba 2025 te 18.00 or

18.00  or  Klousura ofisial di inskripshon

18.01  or  18.50 or Kòntròl di tur informashon di inskripshon

19.00 or Sakamentu di sekuensia di e anochinan. Presente Presidente AMAK, Presidente di Hurado i Minister van Heydoorn

18.00 or  pa 20.00 or  Presentashon Oriri