Kòrsou a yama bon biní na 73.289 turista di estadia na yanüari 2025 / Curaçao welcomed 73,289 stayover visitors in January 2025
Kòrsou a yama bon biní na 73.289 turista di estadia na yanüari 2025
WILLEMSTAD – 14 di febrüari 2025 – Ofisina di Turismo di Kòrsou (CTB) ta sumamente kontentu pa anunsiá un komienso espektakular di aña 2025. Turismo di estadia ta sigui oumentá den e lunanan di e temporada haltu di turismo. Nos pais a registrá un kresementu sólido di 20% den kantidat di bishitante kompará ku yanüari 2024 registrando 12.398 turista di estadia adishonal. Total 73.289 turista di estadia a keda risibí den e promé luna di aña. E prestashon aki ta mustra un yegada kontinuo di turista den e temporada haltu, registrando riba 70 mil turista di estadia den un solo luna.
Tur region a mustra un prestashon positivo den luna di yanüari, partikularmente for di Sur Amérika, un kresementu di 47% a keda registrá. Nort Amérika, Karibe i Europa a registrá kresementu di respektivamente, 25%, 17% i 6%. Den sifranan apsoluto, Europa ta e region for di kua nos pais a risibí mas tantu turista. Informashon kolektá for di e karchinan di Imigrashon ta mustra ku turistanan a keda un averahe di 9 anochi riba nos pais durante luna di yanüari.
Prestashon tòp 3 merkadonan na luna di yanüari 2025:
Hulanda: Un kantidat di 23.124 turista di estadia hulandes a keda registrá na yanüari, demostrando un kresementu di 4% kompará ku 22.170 turista di estadia registrá na yanüari 2024. Mayoria turista hulandes (58%) a opta pa un otro opshon di akomodashon ku no ta resort, miéntras 42% a skohe pa keda na un resort hotel. Turistanan hulandes a keda un promedio di 13 anochi durante nan bishita.
Estádos Unídos: Estádos Unídos ta sigui ta un merkado fuerte pa Kòrsou, ku un oumento di 30% yegando un total di 17.708 bishitante na yanüari 2025, kompará ku 13.604 risibí e mesun luna na aña pasá. Mayoria turista merikano (66%) a skohe pa resort hotels, miéntras 33% a opta pa otro opshon di akomodashon. Turistanan prosedente di Estádos Unídos a keda un promedio di 6.5 anochi riba Kòrsou, miéntras mayoria tabata prosedente di New York, Florida, New Jersey, Texas i Georgia.
Canada: Turistanan prosedente di Canada a subi ku 10% na yanüari 2025, yegando na un total di 6.008 turista kompará ku 5.443 risibí na yanüari 2024. Bishitantenan prosedente di Canada a pasa un promedio di 10.7 anochi na Kòrsou, kaminda 51% a skohe pa keda na un resort hotel.
Puntonan ku a resaltá den yanüari 2025
Kòrsou su industria di turismo a mustra stabilidat sólido den e promé luna di 2025, ku un enfoke stratégiko pa keda konsistente den akshonnan di promoshon den e merkadonan prinsipal. E kresementu aki ta resaltá e éksito di Kòrsou den krea demanda dor di mustra tur loke nos pais tin di ofresé pa bin “Sinti’é pa bo mes” (Feel It For Yourself). Na yanüari 2025, Kòrsou a risibí 73.289 turista di estadia, 5.151 day trippers, 101.826 turista krusero, yamando di e manera aki bon biní na un total di 180.266 turista.
Curaçao welcomed 73,289 stayover visitors in January 2025
WILLEMSTAD – February 14, 2025 – The Curaçao Tourist Board is thrilled to report a spectacular start of the year. Stayover arrivals continues to surge in the high season months. The island experienced a solid 20% rise in arrivals compared to January 2024, welcoming an additional 12,398 stayover visitors. In total, Curaçao welcomed 73,289 stayover visitors in the first month of the year. This performance shows a continued demand in arrivals in the peak season, recording over seventy thousand stayover arrivals in a single month.
All regions showed positive performance in January, particularly from South America, a significant 46% increase in performance is recorded. North America, Caribbean and Europe recorded a 25%, 17%, and 6% growth respectively. In absolute numbers, Europe is the region where most of our tourists are travelling from. Information gathered from the Immigration Cards shows the average day spent in Curaçao was 9 nights in January.
Top 3 Source Markets in January 2025
The Netherlands: Curaçao welcomed 23,124 visitors from the Netherlands, a 4% increase compared to 22,170 arrivals in January 2024. Most Dutch visitors (58%) chose non-resort accommodations, while 42% stayed at resorts. On average, Dutch visitors stayed for 13 nights during their visit.
United States of America: The USA remains a key market for Curaçao, with a 30% increase in arrivals, reaching 17,708 visitors in January 2025, up from 13,604 in the same month last year. Most American visitors (66%) preferred resort hotels, while 33% opted for other types of accommodations. On average, visitors from the USA stayed for 6.5 nights, with most travelers coming from New York, Florida, New Jersey, Texas, and Georgia.
Canada: Visitor numbers from Canada surged by 10% in January 2025, totaling 6,008 arrivals compared to 5,443 in January 2024. Canadian visitors stayed an average of 10.7 nights, with 51% choosing to stay in resort hotels.
Highlights of January 2025
Curaçao’s tourism industry shows solid stability in the first month of 2025, with the strategic effort to stay consistent in creating awareness in its main markets of focus. This growth highlights the island’s success in creating demand by showing its offerings to come “Feel it for yourself”.
So far Curaçao welcomed 73,289 stayover arrivals, 5,151 day-trippers and 101,826 cruise passengers, welcoming a total of 180,266 arrivals in January 2025.