Federashon Aquatiko Kòrsou ta informa ku e selekshonnan di su kuater disiplina akuatiko praktika na Kòrsou a keda komponé.

E lista ku e nòmbernan di e atletenan selektá ta disponibel den e anexonan. Den anexo 1 ta hanja e selekshon di natashon, open water i natashon artístiko, mientras ku anexo 2 i 3 ta kontené e selekshonnan di waterpolo, dividi segun edat di e atletenan.

E atletenan lo representá Kòrsou den kompetensianan regional, manera Carifta Aquatics, i tambe den torneo internashonal. Ora e kompetensianan ta mas serka, lo anunsia e selekshon definitivo.

Nos ta desea hopi éxito na tur atletenan selektá den nan preparashon. E trainingnan di selekshon a start den febrüari i lo sigui tuma lugá henter 2025.