NOS S SELEKSHON KU 2 PARTIDO NA TURKIA PA UN ‘TRAININGSKAMP’ KOMO PREPARASHON PA NOS PARTIDONAN DI KUALIFIKASHON PA MUNDIAL!
NOS S SELEKSHON KU 2 PARTIDO NA TURKIA PA UN ‘TRAININGSKAMP’ KOMO PREPARASHON PA NOS PARTIDONAN DI KUALIFIKASHON PA MUNDIAL!
Manera ya nos a avisá nos selekshon a biaha pa Turkia pa partisipá na un ‘trainingskamp’ komo preparashon pa nos próksimo partidonan di kualifikashon pa Mundial di FIFA ku lo tuma lugá dia 6 di yüni 2025 na Kòrsou i 10 di yüni 2025, na un pais ku ainda no ta konosí.
Nos promé partido lo ta mañan kontra e selekshon di Kazakhstan miéntras nos segundo enkuentro lo ta djasabra, 22 di mart próksimo, kaminda nos lo enfrentá Antalyaspor. Ámbos partido lo tuma lugá den Stadion Belek Arena aya na Turkia.
Nos hungadónan ta tin nan promé seshon di entrenamentu ayera i ta kla prepará pa nos partido di mañan. Despues ku nos ‘bondscoach’ sr. Dick Advocaat huntu ku su staf tékniko a publiká e lista di 23 hungadónan ku lo a mira akshon durante e ‘trainigskamp’ aki, nos mester anunsiá ku lamentablemente e hungadónan Gervane Kastaneer i Jurgen Locadia a kai afó debí na leshon. Pues un total di 21 hungadó ta na Turkia pa nos 2 partidonan di fogeo.
Tambe nos ta yama Dean Gorré bon biní bèk den e kuerpo tékniko di nos selekshon ku lo tei pa remplasá Giovanni Franken kende pa motibunan laboral no ta forma parti mas di nos kuerpo tékniko. FFK ta gradisí Giovanni Franken pa e trabounan ehersé durante e temporada ku e tabata forma parti di nos kuerpo tékniko i ta deseá Giovani tur kos bon ku e reto nobo aki.
FFK ta deseá nos selekshon tur klase di éksito pa mañan i tin sigur ku nan lo hasi nan máksimo esfuerso pa bai ku e promé viktoria.
