PARTISIPANTENAN PA REINA SEU 2025 YAMA “PECHI DI YAYA”
Willemstad- 24 di mart 2025
Ku e temporada di Seú a yega e momento pa buska e embahador di fiesta di kosecha i kargadó di kultura pa aña 2025.
Lo eligí un reina nobo di nos fiesta tradishonal di kosecha riba djasabra 12 di aprel 2025 durante un sertámen ku ta
kuminsá 7’or di anochi na Plasa Museo Octagon den Penstraat.
Durante e anochi kultural aki, shete kandidata lo kompetí pa e pèchi di Yaya.
E damanan lo mustra kiko nan tin aden ku nan presentashonnan i diskurso basá riba e lema: Kultivá
patriotismo, pa nashon fortalesé.
Kada kandidata den e periodo aki lo hiba un título mara na e lema.
E shete kandidatanan ta
1. Ishaina Girigorie
Topiko : Kariño spesial pa Pais
2. Rayzahna Martha
Topiko: Interes den bienestar di Pais
3. Jennifer Kirindongo
Topiko : Sakrifisio pa bienestar di Pais
4. Narián Martina
Topiko : Responsabilidad pa Pais
5. Ingemay Pieternella
Topiko : Orguyo nashonal pa Pais
6. Quishantely Mingel
Topiko: Konsenshi pa Pais
7. Sixiëly Martina
Topiko : Lealtat na Pais
Lo bai tin músika, baile i presentashon di Kantadó Mayó.
Bar i kushina lo ta bon surtí.
Karchi adelantá pa e evento ta na rason di 20 florin karibense i optenibel serka kada partisipante.
E anochi karchi ta optenibel na rason di 25 florin karibense na porta.