djadumingu, 27 di aprel alrededor di algu promé ku 9.45 or di mainta, un aksidente a tuma lugá riba kaminda pa Rincon na altura di Tanki Maraka.

Awe, djadumingu, 27 di aprel alrededor di algu promé ku 9.45 or di mainta, un aksidente a tuma lugá riba kaminda pa Rincon na altura di Tanki Maraka. Un outo ku tres okupante, pa motibu ainda deskonosí, a bòltu. Un di tres okupante a keda pegá den e outo. Brantwer ku a akudí na e sitio a duna asistensia pa a sak’é for di den e outo. Un promé ambulans a transporta e víktima ku a keda pegá den e outo pa hòspital pa tratamentu médiko. Un di dos ambulans a transportá e otro dos víktimanan pa hòspital pa tratamentu médiko. Situashon di e víktimanan ta di atenshon.