Medidanan di tráfiko relashoná ku ‘Dodenherdenking’

KOMUNIKADO DI PRENSA
29 aprel 2025
Medidanan di tráfiko relashoná ku ‘Dodenherdenking’
168/2025
KUERPO POLISIAL KÒRSOU
Relashoná ku un seremonia solèm dia 4 di mei 2025 na honor di tur militar i sivil ku durante
di e di Dos Guera Mundial a pèrdè nan bida, e aña aki atrobe lo tin preparashonnan pa e
seremonia, djabièrnè dia 2 di mei 2025, dor di Marina Real, Kuerpo Polisial i Kuerpo
Boluntario di Kòrsou.
Na interés di òrdu públiko, seguridat i libertat di tráfiko, lo tuma algun medida adekuá di
tráfiko i òrdu pa por garantisá un desaroyo ordená di e ehersisio i/o seremonia aki.
Djabièrnè 2 i djadumingu 4 di mei 2025 for di 06.30’or te mas o menos 12’or, lo tuma e
siguiente medidanan temporal pa ámbos dia:
For di 06.00’or te na final di e preparashon i/o seremonia, no ta permití tráfiko riba
De Ruyterkade den direkshon di Sha Caprileskade;
Ta desviá tur tráfiko motorisá ku kier hasi uso di De Ruyterkade, den direkshon di
Plaza Smeets pa despues drenta Nieuwestraat;
Pietermaai i sentro di Punda i besindario lo ta solamente aksesibel for di
Nieuwestraat, Theaterstraat i Pietermaaiweg;
Tráfiko motorisá den área rondó di Marshe Nobo i di De Ruyterkade, lo wòrdu
desviá via di Kaya Junior Salas direkshon di Pietermaai;
Tráfiko ku ta bini for di Prinsnenstraat pa bai Kaya Junior Salas, ta prohibí pa bai na
man robes;
Pa 07.30’or lo sera na e krusada di Wilhelminabrug. De Ruyterkade i Sha
Caprileskade, de manera ku tráfiko motorisá, no por sigui bai den direkshon di De
Ruyterkade i lo wòrdu desviá via pa Wilhelminabrug direkshon di Scharlooweg;
Transporte públiko riba e dianan 2 i 4 di mei 2025 lo hasi uso di Ansinghstraat
durante di e oranan stipulá komo parada di bùs final i sigui nan ruta via Johan van
Walbeeckplein;
Promé i durante di e ehersisio i/o e seremonia menshoná, e parada di di bùs i konvoi
na Waaigatplein lo kaduká;
Promé i durante di e ehersisio/seremonia menshoná, e parada di bùs i konvoi na
Roodeweg na altura di Santana Militar lo kaduká;
SIRBI I PROTEHÁ
Departamentu di Komunikashon i Prevenshon
Página 1
Shofùrnan mester tene kuenta ku sierto inkomodidat pa e tráfiko motorisá, promé i
durante di e ehersisio i/o seremonia;
Tur hende mester sigui tur instrukshon duná dor di polis inmediatamente, na
bienestar di òrdu públiko, seguridat i libertat den tráfiko;
E medidanan deskribí den e komunikado aki ta keda na vigor te na momentu ku
polis haña esaki nesesario na bienestar di òrdu públiko, seguridat i libertat den
tráfiko.
