Kòrsou ta risibí delegashon for di La Guajira, Colombia pa fortifiká kooperashon regional / Curaçao ontvangt delegatie uit La Guajira, Colombia ter versterking van regionale samenwerking
Desaroyo Ekonómiko
Kòrsou ta risibí delegashon for di La Guajira, Colombia pa fortifiká kooperashon regional
Publiká riba 16 Mei 2025
Resientemente, un delegashon di e Sektor di Kolaborashon Ekónomiko Internashonal di Ministerio di Desaroyo Ekonómiko (MEO) a realisá un bishita di trabou na Colombia, spesífikamente na e siudatnan di Bogotá i Riohacha. E bishita aki tabata den kuadro di evaluashon di e Akuerdo di Entendimentu (Memorandum of Understanding – MoU) firmá entre Kòrsou i La Guajira, inkluyendo e siudatnan di Riohacha, Dibulla i Maicao. E bishita a resultá den un eksperensia balioso ku hopi interkambio di informashon i oportunidatnan pa fortifiká e relashon bilateral.
Den kuadro di e mesun kooperashon, Kòrsou ta risibí un delegashon ofisial for di La Guajira e siman aki. E delegashon a yega djárason 14 di mei 2025 i lo keda te djasabra 17 di mei 2025.
E delegashon ta enkabesá pa Sr. Jairo Alfonso Aguilar Deluque, Gobernador di Departamentu di La Guajira, i ta konsistí di 12 miembro, inkluyendo:
- Rafael Zúñiga – Sekretario di Turismo
- Zuelly Manjarrez – Sekretaria di Desaroyo Ekonómiko
- Charles Aguilar – Asesor di e Despacho di e Gobernador
- Yessit Medina – Gerente di Grupo Empresarial Gran Caribe, ku ta traha estrechamente ku Wilbert Geertruida di Agribusiness Curaçao
Huntu ku otro representantenan di sektor públiko i privá, e bishita ta enfoká riba:
- Promové La Guajira komo destinashon turístiko
- Diskutí kooperashon den área di transporte, komèrsio i turismo
- Presentá proyektonan di invershon ku por benefisiá ambos region
- Fortifiká e lasonan institushonal i relashon entre sektor públiko i privá
E bishita ta un paso importante den e desaroyo kontinuo di e relashon Sur-Sur entre Kòrsou i La Guajira, basá riba prinsipionan di solidaridat, hermandat i desaroyo konhunto.
Link pa video di promoshon La Guajira
Economische Ontwikkeling
Curaçao ontvangt delegatie uit La Guajira, Colombia ter versterking van regionale samenwerking
Geplaatst op 16 05 2025
Onlangs heeft een delegatie van de Sector BES een werkbezoek gebracht aan Colombia, specifiek aan de steden Bogotá en Riohacha. Dit bezoek vond plaats in het kader van de evaluatie van het Memorandum of Understanding (MoU) dat Curaçao heeft ondertekend met La Guajira en de steden Riohacha, Dibulla en Maicao. Het bezoek bood waardevolle inzichten en vele mogelijkheden voor informatie-uitwisseling en bilaterale samenwerking.
In ditzelfde kader van samenwerking ontvangt Curaçao deze week een officiële delegatie uit La Guajira. De delegatie arriveert op woensdag 14 mei 2025 en blijft tot zaterdag 17 mei 2025.
De delegatie staat onder leiding van de heer Jairo Alfonso Aguilar Deluque, gouverneur van het departement La Guajira, en bestaat uit 12 leden, waaronder:
- Rafael Zúñiga – Secretaris van Toerisme
- Zuelly Manjarrez – Secretaris van Economische Ontwikkeling
- Charles Aguilar – Adviseur van het Kabinet van de Gouverneur
- Yessit Medina – Directeur van Grupo Empresarial Gran Caribe, dat nauw samenwerkt met Wilbert Geertruida van Agribusiness Curaçao
Samen met andere vertegenwoordigers van de publieke en private sector richt het bezoek zich op:
- De promotie van La Guajira als toeristische bestemming
- Besprekingen over samenwerking op het gebied van transport, handel en toerisme
- Presentatie van investeringsprojecten die beide regio’s ten goede kunnen komen
- Versterking van institutionele banden en samenwerking tussen publieke en private sectoren
Dit bezoek is een belangrijke stap in de verdere ontwikkeling van Zuid-Zuid-samenwerking tussen Curaçao en La Guajira, gebaseerd op de principes van solidariteit, broederschap en gezamenlijke ontwikkeling.
Link naar de promotievideo van La Guajira