KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

4 Mion Euro pa programa di Parke di Mulina i Hidrógeno di Kòrsou konkretisá 

4 Mion Euro pa programa di Parke di Mulina i Hidrógeno di Kòrsou konkretisá 

DEN HAAG — Durante su bishita na Hulanda, Minister Roderick Middelhof di Desaroyo Ekonómiko (MEO) a tene su promé reunion ku sr. Sandor Gaastra, sekretario general di Ministerie van Economische Zaken (EZ) i sra. Gerdine Keijzer-Balde , resientemente apuntá komo sekretario general di e Ministerie di Klimaat en Groene Groei (KGG) di hulanda 

E deliberashonnan a kubri un variedat di tópikonan sumamente relevante riba e tereno ekonómiko i desaroyonan di futuro na Kòrsou. Un enfoke signifikante di e reunion tabata riba fuente di energia sostenibel i kon Hulanda ta sostené transishon di Kòrsou pa un infrastruktura di energia mas bèrdè i resiliente i muy en partikular e programa di kadena di hidrógeno di Kòrsou. 

Tabata un ekselente oportunidat pa minister presentá su mes i deliberá riba áreanan krítiko di interes mutuo. 

Konsiderando ku e programa di transishon energétiko a ser traspasá di EZ pa KGG, Minister Middelhof a gradisí sr. Sandor pa su kompromiso duná na e programa di hidrógeno. Na komienso di e periodo di gobernashon di e gobièrnu hulandes aktual (aktualmente demishonario) e Fondo di Energia (200 mion Euro) a ser substanshalmnte redusí i alabes Kòrsou a ser ekskluí di e restante. E ministerio EZ aña pasá a pone 1 mion euro disponibel i despues di deliberashon ku a tuma lugá ku Minister Middelhof a asegurá 4 mion euro presupuestá pa por duna kontinuidat na e estudionan nesesario ku mester keda kondusí pa por hasi e “Parke di Mulina Marítimo” un realidat pa nos isla. Minister Middelhof a mustra su apresio pa esaki i a gradisí sr. Sandor pa su kompromso. 

Minister Middelhof a deklará ku e la tene un diálogo habrí i konstruktivo riba vários tópiko ku ta toka Kòrsou i partikularmente a eksplorá maneranan ku tantu e ministerio EZ komo Ministerio KGG por yudá Kòrsou den desaroyo i implementashon di solushonnan riba, entre otro, e tereno di energía sostenibel i maneho di transishon i tambe desaroyo di e industria envolví. Esaki ta pas perfektamente den su vishon pa diversifiká e struktura aktual di nos ekonomia teniendo kuenta ku nos medio ambiente ku ta vulnerabel den kuadro di kambio di klima. 

Ámbos partido a ekspresá nan kompromiso pa koperashon kontinuo riba e asuntunan vital aki, rekonosiendo e metanan kompartí di stabilidat ekonómiko i maneho ambiental. Por spera riba término korto mas detaye riba inisiativanan spesífiko ku a sali for di deliberashonnan hibá pa nos minister enkargá ku desaroyo ekonómiko.

639114718427035"
639114718427035"