Entrada hudisial ku dos detenshon relashoná ku kaso di atrako ku morto 

 

KUERPO POLISIAL KÒRSOU 

 

KOMUNIKADO DI PRENSA

342/2025

9 sèptèmber 2025 

Entrada hudisial ku dos detenshon relashoná ku kaso di atrako ku morto 

Kontinuando ku investigashon den e kaso di atrako ku morto ku a tuma lugá djárason dia 20 di ougùstùs 2025 (Komunikado di Prensa 327/2025), polis a hasi dos detenshon. 

Djamars 9 di sèptèmber 2025 alrededor di 05.00’or, tim di Aresto konhuntamente ku  tim di Atrako a detené e hòmber R.B.v.T. di 21 aña di edat nasé na Kòrsou, na un  kas den Kaya Falcon. 

Despues e tim di Atrako a tene un entrada hudisial i a haña i konfiská algun artíkulo ku ta di importansia pa e investigashon 

Alrededor di 07.25’or a realisá e di dos detenshon di e hòmber L.D.B. di 20 aña di  edat nasé na Kòrsou, tambe pa e kaso di atrako ariba menshoná. 

Su detenshon a tuma lugá na un negoshi den parke industrial na Brievengat. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.