KUERPO POLISIAL KÒRSOU 

 

KOMUNIKADO DI PRENSA

372/2025

5 òktober 2025 

 

Turista ta bula for di baranka i fayesé 

 

Djasabra 4 di òktober 2025 alrededor di 15.34’or, Sentral di Polis a dirigí un  unidat di Barber i di Politur pa Playa Fòrti, pa un insidente ku un turista. Na yegada di e unidatnan, nan a topa un hòmber drumí na kantu i ku ya kaba  no tabata duna señal di bida. 

For di investigashon preliminar a sali na kla ku e hòmber aki, ku a resultá di ta un turista Merikano, a bai bula for di un baranka na e playa i pa un motibu òf  otro no a sobreviví e salto. 

Dòkter di polis ku tambe a keda notifiká, a konstatá morto di e hòmber turista  aki. 

Politur lo kontinuá ku e demas trámitenan manera ta kustumber den e tipo di  kasonan aki.