EMOSHON kon esaki ta afektá bo salú i bienestar
Djasabra 4 di òktober último, Team Salú = Rikesa a tene su di 4 enkuentro na SEDA, situá na Seru Fortunaweg 8.
Sra. Haydee Hermans, un coach y trainer transformacional na Curaçao, tabata e orador.
E ta guia tantu gruponan komo individuonan riba emoshonnan i kon pa liberá nan.
Tur e presentenan a haña e charla aki hopi interesante i a siña kon emoshonnan ta afektá bo órganonan, manera e nirnan, higra òf kurason.
Sra. Haydee tambe a splica con ehercicio por yuda bo regula bo emocionnan.
Sra. Jenilva (Jenny) Coffi-Alberto a deklamá un poema basá riba e tema aki.
Esaki ta e poema cu Jenny a skirbi y declama durante e charla di diasabra mainta. Wak e dokumento adhunto.
Despues di e charla, ku tabata yen di tep, tur e presentenan por a hasi ehersisio pa un ora, dirigí pa Sr. Louisa.
Diasabra awor, 11 di october binidero, di 8:00 AM pa 10:00 AM, e di 5 charla lo continua tna SEDA.
E charla aki lo wordo dirigi pa Sra. E. Faries, Dietista.
Un y tur ta cordial invita pa asisti. Salú ta nos Rikesa Puru.
Alivio
Lastrá mi a yega.
No tin moda di hasi.
Mi emoshonnan ta ariba bou.
Nan ta drei manera e bolanan di Wega Number Kòrsou.
Pero mi a yega pa mi laga mi karga lòs.
Mi mester papia.
Papia ku un hende ku ke skucha mi i no huzga mi.
E no ta laga mi na kaya,
pasobra su profeshon ta, pa skucha sin huzga.
E tei pa skucha i duna guia.
Ta é mi mester.
M’a yega, mi pianan a bira pisá.
Kurason ta bati hopi duru.
Duda, bo por laga na pas!
Basta niun hende no mira mi outo afó.
Dios, no laga tin hende konosí sintá paden.
Mi tin di baha for di mi outo pa mi yega.
Ku un kònòpi den mi garganta, mi a yega na e entrada.
Pará na e porta, un dams ku un smail bunita a yamami bonbiní.
Mi a hala un rosea grandi i kana drenta.
Mi a yega, esei ta konta!
639114718427035"
639114718427035"