Minister Middelhof: 30 dia pa tur establesimentu tin nan pèrmitnan na òrdu / Minister Middelhof: 30 dagen om vergunningen op orde te hebben
Desaroyo Ekonómiko
Minister Middelhof: 30 dia pa tur establesimentu tin nan pèrmitnan na òrdu
Publiká riba 16 Òktober 2025
WILLEMSTAD – Durante un rueda di prensa 16 di òktober, Minister di Desaroyo Ekonómiko, Roderick Middelhof, a duna di konosé ku tur kompania i establesimentu di horeca lo tin 30 dia pa kontrolá i regla tur nan pèrmitnan.
Minister Middelhof a enfatisá ku e periodo aki ta destiná pa duna empresarionan e oportunidat pa regla nan asuntunan korektamente, pero tambe ku despues di e periodo aki lo tin sero toleransia pa kompanianan ku ta sigui operá sin pèrmit bálido. Tur persona mester kòrda bai tuma nan pèrmitnan i tene na kuenta ku nan mester tin nan pèrmitnan original!
“Meskos ku mester paga seguro i number di auto, mester pidi pèrmit di horeca tambe,” Minister Middelhof a bisa. “E reglanan aki no ta eksistí pa restringí, pero pa protehá, pa garantisá ku tur negoshi por operá na un manera sigur i hustu i ku konsumidónan tin konfiansa den nos merkado.”
Minister Middelhof a indiká ku e aña ta kabando i ku esaki ta un periodo importante pa hopi empresario. “Tur hende kier un fin di aña eksitoso, pero esey ta kuminsa ku responsabilidat. Perkura pa bo pèrmitnan ta na òrdu, pa bo por sigui hasi negoshi sin molester.”
Tim di inspekshon di Ministerio di Desaroyo Ekonómiko lo kontrolá aktivamente si tur kompania ta kumpli ku e reglanan. Kompanianan ku no tin nan asuntonan na òrdu ta kore e riesgo di sanshon.
Economische Ontwikkeling
Minister Middelhof: 30 dagen om vergunningen op orde te hebben
Geplaatst op 16 10 2025
WILLEMSTAD – Minister van Economische Ontwikkeling Roderick Middelhof heeft tijdens een persconferentie op 16 oktober bekendgemaakt dat alle bedrijven en horecagelegenheden 30 dagen de tijd krijgen om al hun vergunningen te controleren en te regelen.
Minister Middelhof benadrukte dat deze periode bedoeld is om ondernemers de kans te geven hun zaken goed te regelen, maar ook dat er na deze periode een nultolerantie geldt voor bedrijven die zonder geldige vergunning blijven opereren. Iedereen moet eraan denken om zijn vergunningen op te halen en er rekening mee te houden dat zij hun originele vergunningen moeten hebben!
“Net zoals je verzekering en wegenbelasting moet betalen, moet je ook een horecavergunning aanvragen”, zegt minister Middelhof. “Deze regels zijn er niet om te beperken, maar om te beschermen, om ervoor te zorgen dat alle bedrijven veilig en eerlijk kunnen opereren en dat consumenten vertrouwen hebben in onze markt.”
Minister Middelhof gaf aan dat het jaar ten einde loopt en dat dit voor veel ondernemers een belangrijke periode is. “Iedereen wil een succesvol jaareinde, maar dat begint bij verantwoordelijkheid. Zorg ervoor dat je vergunningen in orde zijn, zodat je onbezorgd kunt blijven ondernemen.
Het inspectie team van het Ministerie van Economische Ontwikkeling zal actief controleren of alle bedrijven zich aan de regels houden. Bedrijven die hun zaken niet op orde hebben, lopen het risico op sancties.
