Muchanan na Poder ‘Si ami tabata MinPres’ un proyekto di edukashon síviko

Muchanan na Poder

‘Si ami tabata MinPres’ un proyekto di edukashon síviko

Willemstad – ‘Si ami tabata MinPres’ ta e pregunta ku alumnonan di grupo 7 i 8 lo ta eksplorando den e próksimo periodo. E proyekto edukativo aki ku e mesun nòmber ta un inisiativa di Wintertuin Curaçao, ku, ademas di e dos festivalnan literario mas grandi di Islanan ABC, ta desaroyá mas ku 15 proyekto anual pa desaroyo di talento, partisipashon kultural, i koperashon internashonal.

Ku ‘Si ami tabata MinPres’ Wintertuin Curaçao tin komo meta pa enkurashá mucha pa reflehá riba demokrasia, liderazgo, i nan propio ròl den sosiedat. Studiantenan ta ekspresá nan ideanan den idioma i imágennan pa medio di tareanan kreativo ku ta permití nan deskubrí ku demokrasia no ta algu abstrakto, pero algu na kua nan ya por kontribuí.

Resientemente e promé seri di lèsnan tokante polítika a kuminsá na skol básiko Rosa de Lima na Marie Pampoen. Bou di guia di eks-parlamentario Gwendell Mercelina, studiantenan ta siña kon Kòrsou su sistema polítiko ta funshoná, kon ta traha lei, i kon siudadanonan por ehersé influensia. Despues nan ta eksplorá kua asuntunan sosial nan ta konsiderá importante: for di desperdisio i medio ambiente te na edukashon, pobresa i seguridat den tráfiko. 

Kada studiante, individualmente of den pareha, ta skohe un tema ku nan lo ke mehorá komo promé minister. Despues nan ta diseñá un solushon i desaroy’é den palabra i imágen.

Segun e inisiadónan, e proyekto ta krusial pasobra edukashon di siudadania no ta un parti obligatorio di e kuríkulo di Kòrsou. Ademas, hóbennan hopi biaha tin poko fe den polítika i masha poko biaha nan ta enbolbí aktivamente den tumamentu di desishon sosial. ‘Si ami tabata MinPres’ ta permití nan eksperensiá ku nan ideanan ta importá i ku nan tin un bos den forma e futuro.

E lesnan kreativo, supervisá pa Alexandra Martijn i Kemuel Sandries, lo kuminsá den luna di desèmber. Alexandra ta yuda e alumnonan den skirbimentu di nan propio tekstonan: kuenta, deklarashon, poesia, òf otro formanan. E talento hóben no ta un deskonosí pa Wintertuin Curaçao; Na 2023, ela presentá na e festival literario di e plataforma. Alexandra ta skirbi prosa, poesia, i haiku.

Kemuel Sandries ta yuda e studiantenan tradusí nan ideanan den ilustrashon. Anteriormente el a diseñá e portada di Tyson Hill su chapbook, ku a ser lansá durante e último edishon di Wintertuin Curaçao Festival. E diseño a ser inspirá pa e fresko di Michelangelo ‘E Kreashon di Adam’ den e Kapel Sistina.

Despues di Rosa de Lima, e proyekto lo sigui pa kuater otro skol básiko na Kòrsou. E kontribushonnan mas inspirativo ta bai den un buki ku lo keda publiká na fin di 2026 i despues presentá na miembronan di parlamento, ministernan, i gobernador di Kòrsou.

Wintertuin Curaçao ta un organisashon sin fin di lukro ku ta komprometé su mes na kontamentu di kuenta den e sentido mas amplio i ta aktivo den vários bario i skol. E organisashon tambe ta enkurashá tantu talento hóben komo adulto i ta publiká trabou di talento lokal. Hopi aktividat ta grátis, pero algun ta rekerí un kontribushon chikí.

‘Si ami tabata MinPres’ ta posibel ku sosten di vfonds, e Fondo Nashonal pa Pas, Libertat i Kuido di Veterano, ku ta sostené inisiativanan ku ta kontribuí na un sosiedat demokrátiko i pasífiko.

 

---

 

Kinderen aan de macht
‘Si ami tabata MinPres’ nieuwste project voor burgerschapsonderwijs

Willemstad – ‘Si ami tabata MinPres’ (Als ik de minister-president zou zijn) is de vraag waar leerlingen van groep 7 en 8 zich de komende periode over buigen. Het gelijknamige educatieve project is een initiatief van Wintertuin Curaçao, dat jaarlijks naast de twee grootste literaire festivals van de ABC-eilanden meer dan vijftien projecten ontwikkelt voor talentontwikkeling, cultuurparticipatie en internationale samenwerking. 

Met ‘Si ami tabata MinPres’ wil Wintertuin Curaçao leerlingen laten nadenken over democratie, leiderschap en hun eigen rol in de samenleving. Scholieren verbeelden hun ideeën in taal en beeld via creatieve opdrachten die hen laten ontdekken dat democratie niet iets abstracts is, maar iets waaraan zij nu al kunnen bijdragen.

De eerste reeks lessen over politiek is onlangs gestart op basisschool Rosa de Lima in Marie Pampoen. Onder begeleiding van oud-parlementariër Gwendell Mercelina leren leerlingen hoe het politieke systeem van Curaçao werkt, hoe wetten worden gemaakt en hoe burgers invloed kunnen uitoefenen. Vervolgens onderzoeken zij welke maatschappelijke problemen zij zelf belangrijk vinden: van afval en milieu tot onderwijs, armoede of verkeersveiligheid.

Elke leerling, individueel of in duo’s, kiest één onderwerp dat hij of zij als minister-president zou willen verbeteren. Daarna bedenken zij een oplossing en werken die uit in woord en beeld.

Volgens de initiatiefnemers is het project van groot belang omdat burgerschapsonderwijs geen verplicht onderdeel vormt van het Curaçaose curriculum. Jongeren hebben bovendien vaak weinig vertrouwen in politiek en worden zelden actief betrokken bij maatschappelijke besluitvorming. ‘Si ami tabata MinPres’ laat hen ervaren dat hun ideeën ertoe doen en dat ze een stem hebben in hoe de toekomst eruit kan zien.

In december starten de creatieve lessen onder begeleiding van Alexandra Martijn en Kemuel Sandries. Alexandra ondersteunt de leerlingen bij het schrijven van hun eigen teksten: verhalen, statements, gedichten of andere vormen. Zij is geen onbekende voor Wintertuin Curaçao; in 2023 trad zij op tijdens het Wintertuin Curaçao Festival. Alexandra schrijft proza, gedichten en haiku’s.

Kemuel Sandries helpt de leerlingen hun ideeën te vertalen naar illustraties, collages en posters. Hij ontwierp eerder de cover van het chapbook van Tyson Hill, dat tijdens de laatste editie van het Wintertuin Curaçao Festival werd gelanceerd. Het ontwerp is geïnspireerd op Michelangelo’s fresco De Schepping van Adam in de Sixtijnse Kapel.

Na Rosa de Lima trekt het project verder langs vier andere basisscholen op Curaçao. De meest inspirerende bijdragen worden gebundeld in een boek dat eind 2026 wordt uitgebracht en vervolgens wordt aangeboden aan parlementsleden, ministers en de gouverneur van Curaçao.

Wintertuin Curaçao is een non-profitorganisatie die zich inzet voor storytelling in de breedste zin van het woord en is actief in verschillende wijken en op scholen. Daarnaast stimuleert de organisatie zowel jong als volwassen talent, en publiceert werk van lokaal talent. Veel activiteiten zijn gratis, soms wordt een kleine bijdrage gevraagd.

‘Si ami tabata MinPres’ wordt mogelijk gemaakt met steun van vfonds, het Nationaal Fonds voor Vrede, Vrijheid en Veteranenzorg, dat initiatieven ondersteunt die bijdragen aan een democratische en vreedzame samenleving.