Lady Su and friends in x-mas and opera concert and food collect.

Dia 7 desèmber 2025, na Kathedral di Sumpiña, lo tin Lady Su and friends Christmas and Opera Benefit  Concert and food Collect.

E meta di e evento aki ta pa krea e oportunidat pa Pueblo di Kòrsou haña e oportunidat pa yuda Voedselbank pa asina na su turno Voedselbank yuda mas famia.

E evento lo kuminsá 12or di mèrdia.

For di e orario aki te ku 6or di atardi bo por trese bo paketé(nan) di kuminda. Den un estilo di drive thru, nos lo kolektá tur komestibel ku no mester bai den friu.

Esaki ta tuma lugá riba e tereno pegá ku Kathedral di Sumpiña.

Voedselbank mes lo tei presente pa tuma tur loke ku keda entregá.

E realidat di Voedselbank ta ku pa e di 2 mitar di e aña aki, Voedselbank mester a baha for di yuda 350 famia pa yuda 100 famia.

Huntu nos lo bai trese un kambio den e situashon aki. P’esei nos mester di bo partisipashon.

E dia ta kulminá ku un konsierto di Pasku kombiná kaminda lo bo por disfrutá di hit nan di pasku kombiná ku algun kansion den e género di ópera.

Ora bo bini e konsierto tambe lo bo por kontribuí ku bo pakete(nan) di komestibel.

Bo por laga esaki na porta serka e personanan di Voedselbank.

Karchi pa e konsierto lo ta na balor di xcg. 35,-.

E dia aki ta keda organisá pa Lady Su den estrecho koperashon ku Voedselbank.

Pa habri e anochi lo tei Típiko Pasa Bon.

Lady Su lo tei riba tarima ku :

Kadir Snijder

Tito Doran

Naomi Rogers

Lissette De Leeuw

Julinette de Leeuw

Joelly de Leeuw

Karchi lo ta optenibel na

•⁠ ⁠Ticket office na Cathedral of thorns.

•⁠ ⁠Mensing’s Caminada

 • www.cathedralofthorns.com den e tab di events

Duna ta bal mas ku risibí. Ban kompartí e notisia aki pa asina nos, huntu komo 1 Pueblo lo por yuda Voedselbank pa e na su turno yuda un yu di e tera dushi aki ku yama Kòrsou!

Lady Su

684-2616