Parlamento a kuminsá ku tratamentu di e Presupuesto pa aña di servisio 2026 “Ontwerplandsverordening tot vaststelling van de begroting van Curaçao voor het dienstjaar 2026” (Zittingsjaar 2025-2026-245).

Djaluna 15 di desèmber 2025, Miembronan di Parlamento, a bin huntu den un reunion Públiko pa trata e Presupuesto pa aña di servisio 2026 “Ontwerplandsverordening tot vaststelling van de begroting van Curaçao voor het dienstjaar 2026”.

Riba e promé dia di tratamentu, a trata diferente kapítulo di e Presupuesto. A kuminsá den e promé tanda, ku kapítulo 10 ku ta trata Órganonan di Estado i sobrá Órganonan general, kapítulo 11 ku ta parti di Ministerio di Asuntunan General i Relashonnan Eksterior. Alabes a trata kapítulo 19, ku ta Ministerio di Finansa, kapítulo 14 ku ta responsabilidat di Ministerio di VVRP i kapítulo 17, bou di Ministerio di SOAW. Pero tambe a deliberá riba kapítulo 13, ku ta kai bou di Ministerio di Hustisia i kapítulo 12 ku ta parti di ministerio di Ministerio di Gobernashon, Planifikashon i Servisio i a terminá ku tratamentu di kapítulo 16 ku ta Enseñansa, Siensia, Kultura i Deporte.

Djamars, 16 di desèmber 2025, lo kontinuá ku kapítulonan 18 i 15, kual ta Ministerio di GMN i Ministerio di Desaroyo Ekonómiko i lo habri oportunidat pa algun minister kuminsá ku e kontestanan.

E intenshon ta pa djaweps 18 di desèmber 2025, votashon final tuma lugá riba e Ordenansa pa fihá e Presupuesto pa aña di servisio 2026.