𝐄𝐧𝐭𝐢𝐝𝐚𝐭 𝐏𝐮́𝐛𝐥𝐢𝐤𝐨 𝐁𝐨𝐧𝐞𝐢𝐫𝐮 𝐭𝐚 𝐝𝐮𝐧𝐚 𝐛𝐨̀𝐧 𝐝𝐢 𝐤𝐮𝐦𝐢𝐧𝐝𝐚 𝐩𝐚 𝐝𝐢𝐚𝐧𝐚𝐧 𝐝𝐢 𝐟𝐢𝐞𝐬𝐭𝐚

Entidat Públiko Boneiru durante dianan di fiesta ta duna sosten na famianan na nos isla.

E famianan ku un entrada abou i ku ta hasi uso di areglonan manera kompensashon pa koriente, artíkulo di skol, sèn di buki di MBO, kontribushon hür partikular (BPV) òf otro tipo di sosten finansiero, ta risibí un bòn di kuminda di $200,-.

Djaluna 15 di desèmber, diputado Silberie tabata presente durante entregá na e prome hendenan ku a bin risibí nan bòn na Fundashon Avanti.

Awe, djáranson 17 di desèmber tur hende ku ta bin na remarke pa un bòn di kuminda por pasa Fundashon Avanti na Plasa Chiku Goeloe, Antriol di 08:00 te 17:00 or.