Kuadro di vishon Sentro di Siudat 2026–2035 aprobá / Visiekader Binnenstad 2026–2035 vastgesteld
Desaroyo Ekonómiko
Kuadro di vishon Sentro di Siudat 2026–2035 aprobá
Publiká riba 24 Febrüari 2026
Willemstad – Konseho di Minister a akordá e Kuadro di Vishon di Sentro di Siudat 2026–2035, ku un perspektiva te 2045. Ku e desishon aki, Gobièrnu di Kòrsou ta dal un paso importante den direkshon di un desaroyo sostenibel, integral i prepará pa futuro di e sentro históriko di Willemstad.
E kuadro di vishon ta ofresé un kompas gubernamental pa desaroyo sosial, ekonómiko i planifikashon urbano di e sentro históriko. E sentro di siudat ta wòrdu posishoná komo un lugá bibu i aksesibel pa biba, traha, ehersé komèrsio, invertí i topa, tantu pa residente komo pa bishitante.
A desaroyá e vishon den estrecho kolaborashon ku stakeholdernan di e diferente distriktonan, inkluso representante di residentenan i empresarionan. E forma di traha huntu aki ta forma e base pa un sosten amplio i responsabilidat kompartí den implementashon.
Minister di Desaroyo Ekonómiko, señor Roderick Middelhof, ta enfatisá e importansia di fortalesé e base ekonómiko den e vishon aki:
“Ku e kuadro di e vishon aki, nos ta fortalesé no solamente e kalidat planifikashon urbano di nos sentro di siudat, sino tambe su fundeshi ekonómiko. Willemstad mester bira un lugá kaminda komèrsio lokal, inovashon i invershonnan ta bin huntu. Pa medio di diversifikashon i kolaborashon, nos ta konstruí un ekonomia resiliente ku ta krea oportunidat pa nos residentenan i ku ta sigui ta atraktivo pa partnernan internashonal.”
Minister di Tráfiko, Transporte i Planifikashon Urbano, señor Charles Cooper, tambe ta suprayá e importansia infrastruktural i sosial di e vishon. Nos sentro di siudat ta e kurason históriko i kultural di Kòrsou. Ku e kuadro di vishon aki nos ta skohe pa un maneho integral kaminda patrimonio, kalidat di bida i espasio públiko ta tene man. Nos ta invertí den un sentro di siudat aksesibel, sigur i atraktivo, no solamente pa awe, pero tambe pa e futuro generashon.
Pa resumí, e kuadro di vishon ta opta pa un manera integral di traha, kaminda kalidat di bida, inklushon sosial, protekshon i fortalesimentu di herensia, diversifikashon ekonómiko, bio-bibienda mesklá, empresarismo, inovashon i un espasio públiko atraktivo ta sentral i ta reforsá otro. E ta pone énfasis riba e karakterístikanan propio i nesesidatnan di Punda, Otrobanda, Pietermaai i Scharloo, i tambe riba e konekshon ku bario rònt di e sentro di siudat.
Ku un strategia di desaroyo repartí den fase te 2045, e kuadro di vishon ta ofresé un kuadro kla i realístiko pa implementashon, monitoreo i ahuste ora ta nesesario.
E dokumento kompleto di e vishon ta disponibel via: https://gobiernu.cw/nl/document/visiekader-binnenstad-2026-2035/
Economische Ontwikkeling
Visiekader Binnenstad 2026–2035 vastgesteld
Geplaatst op 24 02 2026
Willemstad – De Raad van Ministers heeft het Visiekader Binnenstad 2026-2035, met doorkijk naar 2045, vastgesteld. Met dit besluit zet de overheid van Curaçao een belangrijke stap naar een duurzame, integrale en toekomstbestendige ontwikkeling van de binnenstad van Willemstad.
Het visiekader biedt een bestuurlijk kompas voor de sociale, economische en ruimtelijke ontwikkeling van de historische binnenstad. De binnenstad wordt gepositioneerd als een levendige en toegankelijke plek om te wonen, werken, ondernemen, investeren en ontmoeten voor zowel inwoners als bezoekers.
De visie is tot stand gekomen in nauwe samenwerking met stakeholders uit de verschillende districten, waaronder vertegenwoordigers van bewoners en ondernemers. Deze gezamenlijke aanpak vormt de basis voor breed draagvlak en gedeelde verantwoordelijkheid bij de uitvoering.
De Minister van Economische Ontwikkeling, de heer Roderick Middelhof, benadrukt het belang van economische versterking binnen deze visie:
“Met dit visiekader versterken we niet alleen de ruimtelijke kwaliteit van de binnenstad, maar vooral ook haar economische fundament. Willemstad moet uitgroeien tot een plek waar lokaal ondernemerschap, innovatie en investeringen samenkomen. Door diversificatie en samenwerking bouwen we aan een veerkrachtige economie die kansen biedt aan onze inwoners én aantrekkelijk blijft voor internationale partners.”
De Minister van Verkeer, Vervoer en Ruimtelijke Planning, de heer Charles Cooper, onderstreept tevens het ruimtelijke en maatschappelijke belang van de visie. Onze binnenstad is het historisch en cultureel hart van Curaçao. Met dit visiekader kiezen we voor een integrale aanpak waarin erfgoed, leefbaarheid en openbare ruimte hand in hand gaan. We investeren in een toegankelijke, veilige en aantrekkelijke stad, niet alleen voor vandaag, maar ook voor toekomstige generaties.
Het visiekader kiest voor een integrale benadering waarin leefbaarheid, sociale inclusie, behoud en versterking van het erfgoed, economische diversificatie, gemengd wonen, ondernemerschap, innovatie en een aantrekkelijke openbare ruimte centraal staan en elkaar versterken. Daarbij is nadrukkelijk aandacht voor de eigen karakteristieken en behoeften van Punda, Otrobanda, Pietermaai en Scharloo, evenals voor de verbinding met omliggende wijken.
Met een gefaseerde ontwikkelstrategie tot 2045 biedt het visiekader een helder en realistisch kader voor uitvoering, monitoring en bijsturing.
Het volledige visiedocument is beschikbaar via: https://gobiernu.cw/nl/document/visiekader-binnenstad-2026-2035/
