Skuternan konfiská durante di ladronisia 

KUERPO POLISIAL KÒRSOU 

KOMUNIKADO DI PRENSA 074/2026 13 mart 2026 

Skuternan konfiská durante di ladronisia 

E tim ku ta enkargá ku ladronisia di vehíkulo tabata man yen último simannan i  lunanan ku investigashonnan relashoná ku skuternan hòrtá. 

Durante di e investigashonnan aki, aparte di a hasi varios detenshon, a konfiská tambe un kantidat di skuter prinsipalmente di e marka AKT. 

Nos ta publiká potret di algun di e skuternan aki, pa esnan ku a rekonosé nan skuter,  por pasa na warda di reshèrshi. Esaki ta konta pa tantu e doñonan di skuter ku a hasi  denunsia komo esnan ku no a hasi esaki. 

Por tuma kontakto ku e tim investigativo, na numbernan di telefòn 7246230 òf  7246232.  

Polis ta keda hasi yamada riba doñonan di e vehíkulonan aki pa pone lòk adekuá i  GPS riba nan, pa minimalisá e kasonan di ladronisia aki i oumentá e posibilidat di  polis pa por yega na e skuternan hòrtá.