Parlamento di Kòrsou Delegashon di Parlamento di Kòrsou presente na Aruba pa selebrashon di 50 aña di Himno i Bandera i 40 aña di Status Aparte.

Djárason 18 di mart 2026, e delegashon di Parlamento di Kòrsou a presensiá e aktonan ofisial i e desfile militar den un ambiente festivo. Tabata un momentu signifikante kaminda a bini huntu pa duna honor na e lucha i e logronan di e pueblo Arubano. Na nòmber di pueblo di Kòrsou, Presidente di Parlamento, Sr. Fergino Brownbill, a entregá un plaka di rekonosimentu na e pueblo Arubano spesialmente pa e di 50 aniversario di nan Himno i Bandera i e di 40 aniversario di nan Status Aparte. E gesto aki ta simbolisá e apresio i e lasonan fuerte ku ta uni nos dos paisnan.

Banda di e selebrashon, e bishita tabatin un karakter pragmátiko tambe. Riba dia 19 di mart, a tuma lugá un reunion di un komishon chikí, representá pa e Parlamentonan di Kòrsou, Aruba i Sint Maarten, pa sigui traha riba e rekomendashonnan di Raad van State riba e Areglo di Disputa (Geschillenregeling). A hasi palabrashonnan konkreto pa sigui traha riba e último konsepto i prepará esaki pa yega na tratamentu di un proposishon adaptá den di dos mitar di 2026 den Tweede Kamer.