Minister di Labor Charetti America: “Sindikatonan a pidi, minister a skucha: diálogo ta sigui” / Minister van Arbeid, Charetti America: “Vakbonden hebben gevraagd, minister heeft geluisterd: dialoog wordt voortgezet”
Desaroyo Sosial, Labor i Bienestar
Minister di Labor Charetti America: “Sindikatonan a pidi, minister a skucha: diálogo ta sigui”
Publiká riba 04 Mei 2026
Willemstad – Riba dia di Obrero e dia a kuminsá ku un Santu Sakrifisio di misa na Parokia Santa Famia, kaminda reflekshon spiritual i diálogo sosial a forma e base di e selebrashon. Durante e misa pastor Curtis Meris a kompartí un mensahe inspirativo, spesialmente dirigí na nos hóbennan, ku un yamada pa no solamente skohe un trabou, sino skohe un vokashon ku ta konektá ku nan propósito den bida.
Den su diskurso, Minister di Ministerio di Desaroyo Sosial, Labor i Bienestar (SOAW), Charetti America, a pone énfasis riba e balor esensial di trabou den nos sosiedat. El a enfatisá ku e obrero ta e pilar di desaroyo di Kòrsou, i ku sin e kontribushon diario di trahadonan, no tin ekonomia, no tin kuido, ni progreso pa nos pais.
Minister a rekonosé ku pobresa ta un realidat ku ta pidi akshon serio, pero a indiká ku solushon duradero no ta bini solamente for di asistensia sosial. El a subrayá ku pa eliminá pobresa di bèrdat, nos mester bai na e rais, kaminda oportunidat, edukashon i trabou ta hunga un ròl sentral.
Den e kuadro aki, Minister a pone enfoke fuerte riba e nifikashon di trabou komo instrumento di transformashon. Trabou, segun su mensahe, ta mas ku un medio pa gana un salario. Trabou ta duna hende e poder pa para riba su pia, pa proveé pa su famia i pa rekonosé su balor propio. Di e forma aki trabou digno ta restourá dignidat humano i ta forma e base pa un sosiedat mas fuerte.
Tambe Minister a mustra ku pobresa no ta solamente material, sino por tin un defisiensia mental, kaminda hende ta pèrdè fe den nan mes. Den e konteksto aki trabou digno ta bira un instrumento ku ta yuda hende pasa di dependensia pa propósito, i asina kontribuí na progreso real den sosiedat.
Durante e programa, representante di sindikatonan, entre otro señor Frensley Sillé i señor Adri Williams, a ekspresá nan preokupashonnan tokante posishon di trahadó. Minister a skucha ku atenshon i a reafirmá su kompromiso pa sigui ku diálogo struktural.
Na final di su diskurso, Minister a enfatisá:
“Un kos ta sigur: mi a skucha boso i mi ta konvensí ku diálogo ku boso ta esensial. P’esei mi ke enfatisá:
E proseso tripartit entre gobièrnu, sindikatonan i VBC lo sigui. Mi ta asumí mi ròl komo esun ku tin ku organisá esaki na serio. Huntu ku Minister Presidente, nos ta guiando e proseso aki pa garantisá ku e diálogo ta struktural i produktivo.
Siman pasá, nos a tuma pasonan importante pa fasilitá e proseso. Durante luna aki, nos lo sintá huntu pa trata tur e puntonan ku ta importante pa boso.
Mi ta kere den un kos: solushon, i huntu nos por alkansá esaki.”
Ku esaki, gobièrnu di Kòrsou ta mustra su kompromiso pa traha huntu ku tur ‘stakeholder’ pa logra un merkado laboral mas hustu, inklusivo i sostenibel pa Kòrsou.
Sociale Ontwikkeling, Arbeid & Welzijn
Minister van Arbeid, Charetti America: “Vakbonden hebben gevraagd, minister heeft geluisterd: dialoog wordt voortgezet”
Geplaatst op 04 05 2026
Willemstad – Op Dag van de Arbeid begon de viering met een Heilige Mis in de parochie Santa Familia, waar een moment van bezinning en sociale dialoog de basis vormden van de bijeenkomst. Tijdens de mis deelde pastor Curtis Meris een inspirerende boodschap, speciaal gericht aan jongeren, met een oproep om niet alleen een baan te kiezen, maar een roeping die verbonden is met een doel in het leven.
In haar toespraak legde de minister van Sociale Ontwikkeling, Arbeid en Welzijn (SOAW), Charetti America, de nadruk op de essentiële waarde van arbeid in onze samenleving. Zij benadrukte dat de arbeider de pijler vormt van de ontwikkeling van Curaçao, en dat zonder de dagelijkse inzet van werknemers geen economie, geen zorg en geen vooruitgang mogelijk is.
De minister erkende dat armoede een realiteit is die om serieuze actie vraagt, maar gaf aan dat duurzame oplossingen niet uitsluitend voortkomen uit sociale bijstand. Zij onderstreepte dat, om armoede werkelijk te bestrijden, men naar de kern moet gaan, waar kansen, onderwijs en arbeid een centrale rol spelen.
In dit kader legde de minister sterk de nadruk op de betekenis van arbeid als instrument voor transformatie. Arbeid is volgens haar meer dan alleen een middel om inkomen te verdienen: het geeft mensen de kracht om op eigen benen te staan, voor hun gezin te zorgen en hun eigen waarde te erkennen. Op deze manier herstelt waardig werk de menselijke waardigheid en vormt het de basis voor een sterkere samenleving.
Daarnaast gaf de minister aan dat armoede niet alleen materieel is, maar ook een mentale dimensie kan hebben, waarbij mensen het geloof in zichzelf verliezen. In deze context wordt waardig werk een instrument dat mensen helpt om van afhankelijkheid naar zingeving te groeien en zo bij te dragen aan daadwerkelijke maatschappelijke vooruitgang.
Tijdens het programma hebben vertegenwoordigers van vakbonden, onder wie de heer Frensley Sillé en de heer Adri Williams, hun zorgen en visie met betrekking tot de positie van werknemers geuit. De minister luisterde aandachtig en herbevestigde haar inzet voor voortzetting van een structurele dialoog.
Aan het einde van haar toespraak benadrukte de minister:
“Eén ding is zeker: ik heb naar u geluisterd en ik ben ervan overtuigd dat dialoog met u essentieel is. Daarom wil ik het volgende benadrukken:
Het tripartiete proces tussen de overheid, de vakbonden en de Vereniging Bedrijfsleven Curaçao (VBC) zal worden voortgezet. Ik neem mijn rol als degene die dit proces moet organiseren serieus op mij. Samen met de minister-president begeleiden wij dit proces om te garanderen dat de dialoog structureel en productief is.
In de afgelopen periode hebben wij belangrijke stappen gezet om dit proces vorm te geven. In de loop van deze maand zullen wij opnieuw bijeenkomen om alle punten die voor u van belang zijn te bespreken.
Ik geloof in één ding, en dat is oplossingen, en samen zullen wij die bereiken.”
Met deze boodschap toont de regering haar inzet om samen met alle stakeholders te werken aan een rechtvaardigere, inclusieve en duurzame arbeidsmarkt voor Curaçao.
