TOASTMASTER DI KÒRSOU TA LOGRA E TÍTULO MÁKSIMO DI  INTERNASHONAL SPEECH CONTEST NA JAMAICA 

TOASTMASTER DI KÒRSOU TA LOGRA E TÍTULO MÁKSIMO DI  INTERNASHONAL SPEECH CONTEST NA JAMAICA 

Willemstad – Toastmasters di Kòrsou tambe ta aportá na e Hola Blou (Blue Wave) na  Jamaica, siman pasá. 

E ta un plaser pa nos informá komunidat di Kòrsou ku nos partisipante Distinguished  Toastmaster (DTM) Herbert Planitjn, miembro di Health Care Toastmasters Club, den  Área 1 ta sali ganador di e International Speech Contest durante di e Konferensia di  Toastmasters di Karibe na Jamaica dia 17 di mei 2026. 

Un delagashon di Toastmasters for di Kòrsou a sali pa Jamaica kaminda nan a representá  nos dushi pais den e konferensha i alabes e kompetensianan di spich ku a tuma lugá  durante di e Konferensia di Toastmasters di Karibe na Jamaica. 

E organisashon di Toastmasters di Karibe (District 81) ta konsistí di e siguiente paisnan:  Anguilla, Antigua, Barbuda, Barbados, Bermuda, British Virgin Islands, Cayman Islands,  Cuba, Curaçao, Aruba, Bonaire, Dominica, Dominican Republic, Haiti, Guadeloupe,  Jamaica, Martinique, Montserrat, Puerto Rico, Saba, Saint Barthélemy, Sint Maarten, Sint  Eustatius, Saint Kitts and Nevis, Saint Lucia, Saint Martin, Saint Vincent and the  Grenadines, Suriname, Trinidad and Tobago, Turks and Caicos Islands, and United  States Virgin Islands. 

Nos representantenan di spich tabatin di kompetí na nivel di klup, Área, Division i  despues e nivel di Distrikto. 

Na nivel di Área nos partisipantenan a kompetí ku e kantidat di klup ku tin den kada  Área i sigui pa e kompetensianan na nivel di Division. 

Na nivel di Division nos partisipantenan mester a kompetí ku Bonaire, Aruba, Colombia  i Kòrsou durante di e konferensia na Jamaica. 

I finalmente nos partisipante DTM Herbert Plantijn tabatin di kompetí na nivel di  Distrikto ku e representantenan di e paisnan ku ta forma Distrikto 81. Título di su spich tabata: “Be a Chapter, Not Just a Sentence”. 

DTM Herbert Plantijn lo tin di keda selektá awor pa e bai e “Region Quarter Finals” di  Toastmasters International. Un kompetensia den kua ganador di tur e distriktonan na  mundu lo partisipá.

Nos organisashon di Toastmasters di Kòrsou ta sumamente orguyoso i agradesido pa e  tremendo prestashon i kon nos kolega DTM Herbert Plantijn a saka kara di Kòrsou na  Jamaica. 

Esaki ta di dos biaha ku di parti Kòrsou nos ta bai tin un representante riba e tarima  internashonal pa e “International Speech Contest”.