No mag relokalisá e koralnan na Baoaseresort te na momentu ku a disidí den e huisio di fondo / Koralen bij het Baoaseresort mogen niet worden verplaatst totdat in de bodemprocedure is beslist
No mag relokalisá e koralnan na Baoaseresort te na momentu ku a disidí den e huisio di fondo
Awe, Korte ta dikta sentensia tokante di e petishonnan pa emití un previshon interino kontra e dispensashon otorgá pa Minister di GMN. E dispensashon aki ta hasi posibel pa relokalisá koralnan na Baoaseresort. Korte ta bai di akuerdo ku e petishonnan pa emití un previshon interino, i ta suspendé e dispensashon.
Korte ta huzga ku den e dispensashon, Minister di GMN no a motivá sufisientemente dikon e proyekto di desekashon di tereno aki ta representá un interes general di asina tantu peso ku e ta hustifiká afektashon di e koralnan protehá. E diskushon entre e partinan tokante di e pregunta si Minister por involukrá e balornan natural marítimo na momentu di kontestá e pregunta ei, i tokante di e pregunta si e relokalisashon di e koralnan – konsiderando e estado di e área di e proyekto – ta nesesario, ta surpasá e alkanse di e prosedura di previshon interino, i p’esei mester hiba e diskushon ei den e huisio di fondo. Pa evitá konsekuensianan ireparabel promé ku a disidí e apelashonnan, i despues di a konsiderá tur e interesnan involukrá, Korte ta huzga ku mester suspendé e dispensashon te seis siman despues di e sentensia di Korte tokante di e apelashonnan di e petishonarionan kontra e dispensashon otorgá pa Minister di GMN. Te na e momentu ei, no mag ehekutá e trabounan ku ta tumando lugá enbirtut di e dispensashon. Esaki ta trata konkretamente di e demolishon, zagmentu òf kualke otro manera di lòs e koralnan den e área di proyekto. Antisipando e sentensia aki, Korte ya kaba a tuma un medida di òrdu, suspendiendo e efekto di e dispensashon. Sí ta permití pa relokalisá koralnan ku a lòs promé ku e entrada na vigor di e medida di òrdu (ku ta lòs den laman i/òf den un kaha den laman) den e área destiná na esei.
For di 2021, Baoase ta trahando riba un plan pa ekspandé e resort. E kompania ke realisá un ekspanshon na banda ost di e resort pa medio di desekashon di tereno. A hasi vários investigashon, entre otro tokante di e koral na e lugá kaminda a proyektá e desekashon di tereno. A investigá e posibilidatnan di relokalisashon di koral tambe. Pa e realisashon di e ekspanshon, entre otro mester di un pèrmit manera kontemplá den artíkulo 20 di e Ordenansa Nashonal riba Maneho Marítimo (Landsverordening maritiem beheer) i un dispensashon manera kontemplá den artíkulo 5 di e Ordenansa di Maneho di Ref di Kòrsou (Rifbeheersverordening Curaçao). Minister di Tráfiko, Transporte i Planifikashon Urbano (VVRP) a otorgá e pèrmit, i Minister di GMN a otorgá e dispensashon. A apelá tantu e otorgamentu di e pèrmit komo e otorgamentu di e dispensashon. Korte ta antisipá ku lo por trata e apelashonnan den oudiensia na sèptèmber 2026.
E sentisia por haña riba Rechtspraak.nl bou di number ECLI:NL:OGEAC:2026:64.
20 mei 2026
Koralen bij het Baoaseresort mogen niet worden verplaatst totdat in de bodemprocedure is beslist
Het Gerecht doet vandaag uitspraak op de verzoeken om voorlopige voorziening gericht tegen de ontheffing van de minister van GMN. Die ontheffing maakt het mogelijk om koralen te verplaatsen bij het Baoaseresort. Het Gerecht wijst de verzoeken om voorlopige voorziening toe en schorst de ontheffing.
Het Gerecht is van oordeel dat de minister van GMN in de ontheffing onvoldoende heeft gemotiveerd waarom dit landaanwinningsproject een zodanig zwaarwegend algemeen belang vertegenwoordigt dat aantasting van de beschermde koralen gerechtvaardigd is. De discussie tussen partijen over de vraag of de minister bij beantwoording van die vraag de maritieme natuurwaarden kan betrekken en over de vraag of verplaatsing van de koralen gelet op de staat van het projectgebied noodzakelijk is, gaat het bestek van de voorlopige voorzieningenprocedure te buiten en dient in de bodemprocedure gevoerd te worden. Om te voorkomen dat zich onomkeerbare gevolgen voordoen voordat op de beroepen is beslist en na afweging van alle betrokken belangen, is het Gerecht van oordeel dat de ontheffing moet worden geschorst tot zes weken na de uitspraak van het Gerecht op de beroepen van verzoekers tegen de door de minister van GMN verleende ontheffing. Tot dat moment mogen de werkzaamheden die plaatsvinden op grond van de ontheffing niet worden uitgevoerd. Het gaat dan concreet om het afbreken, afzagen of op enige andere wijze losmaken van koralen in het projectgebied. Het Gerecht had in aanloop naar deze uitspraak al een ordemaatregel getroffen en de werking van de ontheffing geschorst. Het is wel toegestaan om de voor inwerkingtreding van de ordemaatregel losgemaakte koralen (die zich los in de zee en of in een krat in de zee bevinden) te plaatsen in het daarvoor aangewezen gebied.
Baoase werkt sinds 2021 aan een plan om het resort uit te breiden. Zij wil aan de oostkant van het resort een uitbreiding realiseren door middel van landaanwinning. Er zijn verschillende onderzoeken uitgevoerd, onder andere naar het koraal op de plek waar de landaanwinning is beoogd. Ook zijn onderzoeken gedaan naar de mogelijkheden van koraalverplaatsing. Voor de realisatie van de uitbreiding is onder andere een vergunning nodig als bedoeld in artikel 20 van de Landsverordening maritiem beheer en een ontheffing als bedoeld in artikel 5 van Rifbeheersverordening Curaçao. De vergunning is verleend door de minister van Verkeer, Vervoer en Ruimtelijke Planning (VVRP) en de ontheffing is verleend door de minister van GMN. Zowel tegen de vergunning als tegen de ontheffing zijn beroepen ingesteld. Het Gerecht verwacht deze beroepen in september 2026 op zitting te kunnen behandelen.
De uitspraak is te vinden op http://www.rechtspraak.nl onder nummer ECLI:NL:OGEAC:2026:64.
