Star Motors a hasi entrega di e Geely Elektriko nobo nobo na e felis ganadó di Easy Riders RC su 30 Aniversario

Ku hopi orguyo i kontentu, Star Motors a hasi entrega ofisial di e Geely Elektriko nobo nobo na e felis ganadó, Sra. Maribel Valle de Barros, komo premio prinsipal di e gran selebrashon di 30 Aniversario di Easy Riders RC Curaçao.

E entrega simbolisá e finalisashon di un kampaña exitoso ku a trese huntu amante di motonan, amigunan i simpatisanten den un ambiente di hermandat i selebrashon.

Riba e foto por mira sr Amos Agard di Star Motors entregando e yabi di e Geely elektriko na Sra. Maribel Valle de Barros, huntu ku e Team di Easy Riders RC Curaçao, ku a kontribuí pa hasi e evento di 30 aniversario un gran eksito.

Easy Riders RC Curaçao ta gradisí tur persona ku a sostené e evento, e sponsor nan, voluntario nan i tur esnan ku a kumpra un boleto i a hasi e selebrashon aki posible.

Pabien Sra. Maribel Valle de Barros! Nos ta deseá bo hopi biahe sigur i hopi alegria ku bo Geely elektriko nobo.