𝐂𝐀𝐍𝐓𝐎 𝟐𝟎𝟐𝟔 – 𝐄𝐤𝐨𝐧𝐨𝐦𝐢𝐚 𝐃𝐢𝐠𝐢𝐭𝐚𝐥

Minister Charles Cooper ta sigui traha duru pa sigui pone Kòrsou riba mapa mundial di un forma ku realmente ta kontribui na nos ekonomia digital, ku ta e ekonomia di futuro!

Minister Charles Cooper a tene un kòmbersashon kòrtiku ku Mark Shoebridge di Digicel Business Group durante CANTO 2026.

Durante e enkuentro nan a papia tokante e desaroyo di e futuro di infrastruktura digital i konektividat di Kòrsou, konekshonnan regional, i e importansia di invershon i koperashon ku proveedónan di telekomunikashon.

Digicel ta doño di Deep Blue, mientras ku su servisionan i solushonnan komersial ta parti di Digicel Business. E tipo di koperashon akí ta importante pa fortalesé konektividat di Kòrsou i sostené kresementu di nos ekonomia digital.