40 hóben a eksperensiá industria di turismo durante Youth Tourism Experience Program

 

WILLEMSTAD – 12 di ougùstùs 2026 – Pa di tres aña konsekutivo, Ofisina di Turismo di Kòrsou (CTB) a organisá Youth Tourism Experience Program. Meta di e programa ta pa hóbennan entre 15 i 17 aña di edat sera konosí ku e industria di turismo i hospitalidat durante un fakansi job di 3 siman. E edishon di e aña aki a keda organisá den estrecho kolaborashon ku 18 kompania den industria di turismo i a tuma lugá di 20 di yüli pa 8 di ougùstùs 2026. E programa a keda klousurá ku un seremonia ameno kaminda Andre Rojer, Manager di departamentu di Produkto na CTB, a hasi entrega di sertifikado na e 40 hóbennan partisipante komo muestra di rekonosementu ku nan a kompletá e programa ku éksito. 

 

E hóbennan ta di diferente skol i nivel di edukashon inkluyendo, AGO, VSBO, SBO, HAVO i VWO. Promé ku inisio di e fakansi job, e hóbennan a sigui 3 dia di workshop, komo preparashon pa nan eksperensia den industria di turismo. Tópikonan a inkluí: E Produkto Turístiko di Kòrsou, Eksperensia di kliente, Branding personal, Komportashon profeshonal, Maneho di sèn i Komunikashon. Tambe e hóbennan a partisipá na un eskurshon kaminda nan a bishitá diferente sitio pa eksperensiá e naturalesa, historia i kultura di Kòrsou. 

 

E kompanianan ku a partisipá ta: Avila Beach Hotel, Blue Bay Resort Curaçao, Christoffel National Park, Coral Estate Luxury Resort, Mangrove Beach Corendon Curaçao, The Rif at Mangrove Beach Corendon Curaçao, Curaçao Ports Authority, Curaçao Sea Aquarium, Museum Association Curaçao, Curaloe, FBTT, LionsDive Beach Resort Curaçao, Curaçao Rif Mangrove Park, Curaçao Marriott Beach Resort, Courtyard by Marriott Curaçao, Papagayo Beach Resort Curaçao, Renaissance Wind Creek Curaçao Resort, Chichi Garden i CTB mes. CTB ta gradisí tur e kompanianan ku a partisipá dunando e hóbennan e oportunidat balioso pa por desaroyá nan abilidatnan. Pa medio di inisiativanan manera Youth Tourism Experience Program, CTB ta sigui stimulá hóbennan pa eksplorá e industria di turismo i hospitalidat miéntras nan ta haña eksperensia práktiko balioso.   

---

 

40 Students Gain Hands-On Tourism Experience through

 Youth Tourism Experience Program

 

WILLEMSTAD – August 12, 2026 – For the third consecutive year, Curaçao Tourist Board (CTB) organized the Youth Tourism Experience Program, offering students between the ages of 15 and 17 the opportunity to gain firsthand experience in Curaçao’s tourism and hospitality industry through a three-week summer job placement. This year’s edition was organized in close collaboration with 18 companies across the tourism industry and took place from July 20 through August 8, 2026. The program concluded with a closing ceremony, during which Andre Rojer, Product Manager at CTB, presented certificates to the 40 participating students in recognition of their successful completion of the program. 

 

The participants represented various schools and educational levels, including AGO, VSBO, SBO, HAVO, and VWO. Before beginning their summer job placements, they participated in a three-day workshop designed to prepare them for their experience in the tourism industry. Topics included Curaçao’s Tourism Product, Customer Experience, Personal Branding, Professional Behavior, Money Management, and Communication Skills. As part of the workshop, the participants also took part in a field trip, visiting various locations where they had the opportunity to experience and learn more about Curaçao’s nature, history, and culture. 

 

Participating companies included: Avila Beach Hotel, Blue Bay Resort Curaçao, Christoffel National Park, Coral Estate Luxury Resort, Mangrove Beach Corendon Curaçao, The Rif at Mangrove Beach Corendon Curaçao, Curaçao Ports Authority, Curaçao Sea Aquarium, Museum Association Curaçao, Curaloe, FBTT, LionsDive Beach Resort Curaçao, Curaçao Rif Mangrove Park, Curaçao Marriott Beach Resort, Courtyard by Marriott Curaçao, Papagayo Beach Resort Curaçao, Renaissance Wind Creek Curaçao Resort, Chichi Garden, and CTB. CTB extends its sincere appreciation to all participating companies for providing these young participants with valuable opportunities to develop their professional and interpersonal abilities. Through initiatives such as the Youth Tourism Experience Program, CTB continues to encourage young people to explore the tourism and hospitality industry while gaining valuable practical experience.