KUERPO POLISIAL KÒRSOU 

KOMUNIKADO DI PRENSA

263/2026 19 ougùstùs 2026 

Detenshon pa intento di asesinato i menasa 

Djamars 18 di ougùstùs 2026 alrededor di 18.07’or, un unidat polisial  mester a bai na un adrès den Faradayweg pa problema entre dos bisiña. Na su yegada, un di e bisiñanan, den e kaso aki un hòmber, a deklará na  polis ku e tabatin diskushon ku su bisiña muhé.  

Durante di e diskushon, e dama a basha gasolin riba dje i indiká ku lo e  pega e hòmber na kandela.  

Alrededor di 18.55’or, polis a hasi detenshon di e dama S.S.K. di 35 aña di  edat nasé na Kòrsou pa intento di asesinato i menasa. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.