NOS TA BUSKA ABO – JOB FAIR WIND CREEK CURAÇAO Wind Creek Curaçao ta habri su portanan pa talento nobo

NOS TA BUSKA ABO – JOB FAIR WIND CREEK CURAÇAO

Wind Creek Curaçao ta habri su portanan pa talento nobo

 

WILLEMSTAD, Curaçao:  Wind Creek Curaçao ta prepará pa un dia yen di oportunidat, energia i hospitalidat ku e edishon di “Nos ta Buska Abo – Job Fair Wind Creek Curaçao”, ku lo tuma lugá dia 26 di Sèptèmber, di 11:00 a.m. te 3:00 p.m. E inisiativa di akuerdo ku e Direktor di Rekurso Humano, Angelo Martes, ta pa reklutá talento lokal basá riba e diferente oportunidatnan di karera dentro di Wind Creek Curaçao i den kuadro di tur e desaroyonan nobo den e organisashon i ekspanshon di servisio den sierto área. “Nos ta buskando hende ku no solamente ta buska un trabou, pero ku tin un pashon pa hospitalidat, ta disfrutá di sirbi otro i ta interesá pa krese huntu ku nos,”. “E Job Fair ta un oportunidat pa nos konosé e talentonan lokal personalmente, miéntras ku e kandidatonan mes por mira di serka kiko ta nifiká pa forma parti di nos tim.”

 

Oportunidat den Hotel, Casino i Starbucks

Durante e Job Fair, kandidatonan lo por eksplorá diferente vakatura den hotèl, casino i Starbucks, ku oportunidatnan den vários departamento. E tim di Rekurso Humano, huntu ku Hefenan di Departamento i Miembronan di Tim, lo ta presente durante e dia pa duna kandidatonan guia, sosten i informashon tokante e diferente posishonnan disponibel i kiko ta wòrdu sperá di un miembro di tim di Wind Creek Curaçao.

 

Pa e posishonnan di hotèl, e proseso lo tuma lugá den e Atrium di Renaissance Wind Creek Curaçao. Pa e posishonnan di casino, e kandidatonan ta invitá pa bishitá e Casino, unda nan lo por konosé mas tokante e oportunidatnan den entre otro ‘Casino Table Operations’ i partisipá den e proseso di selekshon. Un di e oportunidatnan ku lo tin enfoke ta e posibilidat pa wòrdu entrená komo ‘Casino Dealer’, miéntras ta risibí un rekompensa durante di entrenamentu. E ta un oportunidat pa hende ku ta interesá pa siña e profeshon di dealer i kuminsá un karera den ‘Casino Table Operations’.

 

Mira Hospitalidat den Akshon

“Nos ta Buska Abo” lo ta mas ku un Job Fair tradishonal. Durante dia, diferente departamento lo presentá simulashonnan di nan operashonnan diario, permitiendo e aplikante pa mira i sinti e ambiente di trabou na Wind Creek Curaçao. Lo tin showcase den diferente departamentu e.o; Food & Beverage, Housekeeping, Engineering, Starbucks, Security, Casino Table Operations/Dealers. Miembronan di tim lo demonstrá parti di nan trabou diario, kreando un ambiente interaktivo unda kandidatonan por haña un mihó idea di e kultura, ritmo i e standart di hospitalidat ku ta forma parti di Wind Creek Curaçao. Ademas di konosé diferente departamentu, kandidatonan lo tin oportunidat pa hasi entrevista di trabou i oudishon, dependiendo di e posishon pa kua nan ta aplikando.

 

Bin Prepará pa e oportunidat 

Wind Creek Curaçao ta animá tur hende ku ta interesá pa partisipá pa bin prepará.

Un bon promé paso lo ta: Trese bo CV; bin ku un mente di hospitalidat; ta prepará pa papia tokante bo eksperensia, talento i interesnan; bin ku un aktitut positivo i gana pa siña; ta habrí pa eksplorá diferente oportunidat pa bo karera. Un mentalidat di hospitalidat ta un di e elementonan mas importante. “Nos ke mira e hende tras di e CV,” Martes ta agregá. “Nos ta buskando talento ku ta kere den e poder di un bon eksperensia pa huéspet, ku ta gusta traha den tim i ku ta interesá pa desaroyá nan mes.”

 

Nos ta Buska Abo

Ku “Nos ta Buska Abo”, Wind Creek Curaçao ta habri un espasio pa talento lokal bin konosé e organisashon, eksplorá oportunidatnan i, posiblemente, hasi e promé paso pa un siguiente kapítulo den nan karera. Bin prepará; Bishita e job fair ku bo mentalidat di hospitalidat. Bin mustra kiko bo por agregá na nos tim ekselente. Nos ta Buska Abo! Bo ta kla pa e siguiente stap?