KUERPO POLISIAL KÒRSOU 

KOMUNIKADO DI PRENSA

344/2026 7 òktober 2026 

Detenshon relashoná ku violensia relashonal 

Kontinuando ku investigashon den un kaso di maltrato i menasa ku a tuma  lugá dia 30 di sèptèmber 2026 den área di Seru Loraweg, polis a hasi  detenshon. 

Djárason 7 di òktober 2026 alrededor di 09.30’or, riba òrdu di fiskal di  Ministerio Públiko, reshèrshi a detené e hòmber L.M.W. di 66 aña di edat  nasé na Kòrsou, relashoná ku e kaso ariba menshoná. 

Su detenshon a tuma lugá na warda di reshèrshi. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.