MFA di San Nicolas lo ta un di e siguiente proyectonan pa realisa den centro di e ciudad. Tambe a presenta plannan pa renovacion di barionan.

Un MFA pa San Nicolas

Prome Minister a remarca cu Noord, Paradera, Santa Cruz y Savaneta a ricibi nan edificio di MFA, y cu San Nicolas tambe ta merece e facilidad aki. E anuncio ta forma parti di un vision mas amplio pa e ciudad y e barionan pariba di brug. Inversion den infrastructura mester contribui na un miho bida pa hende, cu atencion pa e facilidadnan cu comunidad tin mester pa su desaroyo.

Renobacion di De Vuyst y Bushiri

Prome Minister a anuncia un proyecto di renobacion pa e bario De Vuyst. El a destaca e necesidad di facilidad deportivo, espacio di recreacion y un ambiente cu ta ofrece e habitantenan e calidad di bida cu nan ta merece. Trabou di mantencion cu ta andando of a finalisa caba den Village y Mabon. Tambe a expresa e deseo pa e esfuerso di renobacion continua durante e periodo di gobernacion cu tin ainda pa dilanti. Bushiri lo ta e siguiente bario cu tambe lo conoce un renobacion y mehora den su areanan reacreativo.

Cu e anuncio di e MFA, e plannan di renobacion di nos barionan y e enfasis riba proteccion social, gobierno ta reafirma su compromiso pa un Aruba den cual desaroyo y bienestar ta cana hunto, cu e necesidadnan di nos hendenan como punto di salida.