Ami Ta Prepará Expo: un eksperensia interaktivo pa grandi i chikí / Ami Ta Prepará Expo: een interactieve ervaring voor jong en oud

WILLEMSTAD – Djasabra, 17 di òktober 2026, ‘Ami ta Prepará Expo’ a tuma lugá na Brionplein. Durante oranan di atardi grandi i chikí a haña e oportunidat pa deskubrí, di un manera interaktivo i den un ambiente relahá, kon nos mes i nos famia por ta mihó prepará pa kualke situashon di krísis òf emergensia.

‘Ami ta Prepará Expo’, organisá pa e Direktorado di Kontròl di Riesgo i Maneho pa Kalamidat (DRR) huntu ku diferente partner, ta parti di e trayekto di konsientisashon ‘Ami ta Prepará’, ku meta pa duna habitantenan di Kòrsou informashon i konseho práktiko pa nan por tuma e pasonan nesesario pa ta mihó prepará. Durante ‘Ami Ta Prepará Expo’ bishitantenan por a haña mas informashon riba e trabou di e diferente servisio di emergensia, organisashon di reskate i servisio di Gobièrnu. Entre e organisashonnan presente tabatin e diferente identidat ku ta forma e organisashon pa manehá krísis i kombatí kalamidat (CRB0), nan liaison i diferente organisashon pafó di Gobièrnu ku ta traha riba tereno di kombatí krísis.

Bishitantenan a risibí tepnan práktiko ku nan por apliká na kas pa protehá nan mes i nan famia. E mensahe sentral tabata ku preparashon ta un responsabilidat kompartí. Mas mihó prepará kada siudadano ta, mas mihó prepará kada kas di famia ta. Esaki ta duna servisionan di emergensia mas espasio pa duna asistensia na esnan mas vulnerabel den nos komunidat.

E aña aki ‘Ami ta Prepará Expo’ a inkluí tambe e promé edishon di e ‘Ami ta Prepará Scavenger Hunt’. Gruponan por a registrá adelantá i for di oranan di mèrdia riba djasabra e diferente timnan a kore rònt den outo pa kompletá reto i tarea tokante riesgo i krísis. Na final e timnan a reuní riba Brionplein pa premiashon, Premio máksimo tabata Cg. 2.500,- kèsh pa e tim ganadó, kortesia di Banco di Caribe.

Danki na tur ku a kontribuí i partisipá

Gobièrnu di Kòrsou ta gradisí miembro di e organisashon di krísis, liaison, partner, spònser kolaboradó i boluntario pa nan aporte. Un danki spesial tambe na un i tur ku a bishitá ‘Ami ta Prepará Expo’ i na tur e timnan ku a partisipá na ‘Ami ta Prepará Scavenger Hunt’. E reakshonnan positivo ta un estímulo pa sigui informá i prepará nos komunidat. Pa mas informashon, sigui ‘Ami ta Prepará’ riba Facebook i Instagram, e páginanan di Gobièrnu di Kòrsou i www.amitaprepara.cw

Un tiki preparashon, hopi trankilidat!

 

---

 

WILLEMSTAD – Op zaterdag 17 oktober 2026 vond de ‘Ami ta Prepará Expo’ plaats op het Brionplein. Tijdens de middag- en avonduren kregen jong en oud de gelegenheid om op een interactieve manier en in een ontspannen sfeer te ontdekken hoe zij zichzelf en hun gezin beter kunnen voorbereiden op een crisis of noodsituatie.

De ‘Ami ta Prepará Expo’, georganiseerd door het Directoraat Risicobeheersing & Rampenbeleid (DRR) samen met verschillende partners, maakt deel uit van het bewustwordingstraject ‘Ami ta Prepará’. Dit traject biedt inwoners van Curaçao informatie en praktische adviezen om de nodige stappen te zetten voor een betere voorbereiding. Tijdens de expo konden bezoekers meer te weten komen over het werk van de verschillende hulpdiensten, reddingsorganisaties en overheidsdiensten. Onder de aanwezigen waren de verschillende onderdelen van de crisisbeheersings- en rampenbestrijdingsorganisatie (CRBo), hun liaisons en verschillende organisaties buiten de overheid die actief zijn op het gebied van crisisbeheersing.

Bezoekers ontvingen praktische tips die zij thuis kunnen toepassen om zichzelf en hun gezin te beschermen. De centrale boodschap was dat voorbereiding een gedeelde verantwoordelijkheid is. Hoe beter iedere individuele inwoner is voorbereid, hoe beter ieder huishouden is voorbereid. Dit geeft hulpdiensten meer ruimte om de kwetsbaarste mensen in onze samenleving bij te staan.

Dit jaar omvatte de ‘Ami ta Prepará Expo’ ook de eerste editie van de ‘Ami ta Prepará Scavenger Hunt’. Groepen konden zich vooraf aanmelden. Vanaf het middaguur reden de teams zaterdag met de auto over het eiland om uitdagingen en opdrachten rond risico’s en crises uit te voeren. Na afloop kwamen de teams samen op het Brionplein voor de prijsuitreiking. De hoofdprijs voor het winnende team was een geldbedrag van Cg. 2.500, beschikbaar gesteld door Banco di Caribe.

Dank aan iedereen die heeft bijgedragen en deelgenomen

De overheid van Curaçao bedankt de leden van de crisisorganisatie, liaisons, partners, sponsors, medewerkers en vrijwilligers voor hun bijdrage. Een speciaal woord van dank gaat ook uit naar iedereen die de ‘Ami ta Prepará Expo’ heeft bezocht en alle teams die hebben deelgenomen aan de ‘Ami ta Prepará Scavenger Hunt’. De positieve reacties stimuleren ons om onze samenleving te blijven informeren en voorbereiden.

Volg voor meer informatie ‘Ami ta Prepará’ op Facebook en Instagram, de kanalen van de overheid van Curaçao en www.amitaprepara.cw.

Een beetje voorbereiding, veel gemoedsrust!